സങ്കടക്കാഴ്ചയായി... കനാലില് കാല്കഴുകാനിറങ്ങിയതിനെ തുടര്ന്ന് കാണാതായ യുവാവിന്റെ മൃതദേഹം കണ്ടെത്തി...
സങ്കടക്കാഴ്ചയായി... കനാലില് കാല്കഴുകാനിറങ്ങിയതിനെ തുടര്ന്ന് കാണാതായ യുവാവിന്റെ മൃതദേഹം കണ്ടെത്തി...കുമാരമംഗലത്ത് എം വി ഐ പി കനാലില് കാല്കഴുകുന്നതിനിടെ കാണാതായ കുമാരമംഗലം ചോഴംകുടിയില് പരേതനായ പൈങ്കിളിയുടെ മകന് സി പി ബിനുവിന്റെ (45) മൃതദേഹമാണ് അടിവാട് തെക്കേകവലയ്ക്ക് സമീപത്തെ കനാലില് നിന്ന് ലഭിച്ചത്.
ഞായറാഴ്ച രാത്രിയാണ് ബിനുവിനെ കാണാതാകുന്നത്. തുടര്ന്ന് ബന്ധുക്കള് പൊലീസില് പരാതി നല്കിയിട്ടുണ്ടായിരുന്നു. ഇതിനിടെ കുമാരമംഗലത്ത് കനാലിന് സമീപത്തെ കെട്ടിടത്തിലെ സി സി ടി വിയില് ബിനു കനാലിലേക്ക് ഇറങ്ങുന്ന ദൃശ്യം പതിഞ്ഞു. തുടര്ന്ന് ചൊവാഴ്ച രാവിലെ തെക്കേകവല ഭാഗത്തെ കനാലില് കമിഴ്ന്നുകിടക്കുന്ന നിലയില് മൃതദേഹം കണ്ടെത്തുകയായിരുന്നു.കാല്കഴുകുന്നതിനിടെ അബദ്ധത്തില് വെള്ളത്തില് വീണ ബിനു ഒഴുക്കില്പ്പെടുകയായിരുന്നെന്നാണ് പ്രാഥമിക നിഗമനത്തിലുള്ളത്.
പോത്താനിക്കാട് പൊലീസ് സ്ഥലത്തെത്തി മൃതദേഹം മുവാറ്റുപുഴ താലൂക്ക് ജനറല് ആശുപത്രി മോര്ച്ചറിയിലേക്ക് മാറ്റി. മൃതദേഹം ബുധനാഴ്ച രാവിലെ പോസ്റ്റ്മോര്ട്ടം നടത്തി ബന്ധുക്കള്ക്ക് വിട്ടുകൊടുക്കും.
https://www.facebook.com/Malayalivartha
