സങ്കടക്കാഴ്ചയായി... ആലപ്പുഴ അരൂര്‍-തുറവൂര്‍ ഉയരപ്പാത നിര്‍മാണ മേഖലയില്‍ ജെസിബിയ്ക്ക് അടിയില്‍പ്പെട്ട് ബൈക്ക് യാത്രക്കാരന് ദാരുണാന്ത്യം. തുറവൂര്‍ സ്വദേശി പ്രവീണ്‍ ആര്‍ (39) ആണ് മരിച്ചത്.

ചന്തിരൂര്‍ സെന്റ് മേരീസ് പള്ളിക്ക് സമീപം ഇന്ന് രാവിലെയാണ് അപകടം സംഭവിച്ചത്. ഉയരപാത നിര്‍മാണം നടക്കുന്ന ഭാഗത്ത് വെച്ച് ജെ സി ബി പിന്നോട്ട് എടുത്തപ്പോള്‍ പിന്നിലുണ്ടായിരുന്ന യുവാവ് ജെസിബിയുടെ അടിയില്‍പെടുകയായിരുന്നു.

ജെസിബി പിന്നോട്ട് എടുത്തതോടെ യുവാവ് ബൈക്കില്‍ നിന്ന് വീണു. ഇതോടെ ജെസിബിക്ക് അടിയില്‍പെടുകയായിരുന്നു. യുവാവിനെ ആശുപത്രിയിലെത്തിച്ചെങ്കിലും രക്ഷിക്കാന്‍ കഴിഞ്ഞില്ല.