സംസ്ഥാനത്ത് മൂന്നു ദിവസം ശക്തമായ മഴയ്ക്ക് സാദ്ധ്യത. മദ്ധ്യ, തെക്കന്‍ ജില്ലകളിലാകും കൂടുതല്‍. മദ്ധ്യപ്രദേശില്‍ നിന്ന് കേരളത്തിലേയ്ക്കുള്ള ന്യൂനമര്‍ദ്ദപാത്തി, രാജസ്ഥാന് സമീപത്തെ ചക്രവാതച്ചുഴി എന്നിവയുടെ സ്വാധീനത്തിലാണിത്.

ശക്തമായ ഇടിമിന്നലിനും കാറ്റിനും സാദ്ധ്യതയുണ്ട്. ജനങ്ങള്‍ അതീവജാഗ്രത പാലിക്കണം. തെക്കന്‍ ജില്ലകളിലെ അപ്രതീക്ഷിത മഴയില്‍ മലവെള്ളപ്പാച്ചിലിനും മണ്ണിടിച്ചിലിനും സാദ്ധ്യതയുണ്ട്. ഇന്നലെ തിരുവനന്തപുരത്തടക്കം ശക്തമായ മഴ പെയ്തു.

തിരുവനന്തപുരത്തെ വെള്ളായണിയില്‍ ഒന്നര മണിക്കൂറില്‍ പെയ്തത് 95 മില്ലീമീറ്റര്‍ മഴ. നഗരത്തില്‍ 49 മില്ലീമീറ്റര്‍. പത്തനംതിട്ട 82, പുനലൂര്‍ 57, വൈക്കം 51 മില്ലീമീറ്റര്‍ വീതം മഴ ലഭിച്ചു. കേരള തീരത്ത് കടലാക്രമണത്തിന് നേരിയ സാദ്ധ്യതയുണ്ട്. 

കേരള തീരത്ത് കടലാക്രമണത്തിന് നേരിയ സാദ്ധ്യതയുണ്ട്. ഇന്നലെ മഴയോടൊപ്പം ശക്തമായ ഇടിമിന്നലുമുണ്ടായിരുന്നു. നിര്‍ത്താതെ പെയ്ത മഴയില്‍ പല സ്ഥലങ്ങളിലും വെള്ളക്കെട്ടുണ്ടായി. അപ്രതീക്ഷിതമായ മഴയില്‍ തലസ്ഥാന നഗരപ്രദേശങ്ങളില്‍ പല പ്രദേശങ്ങളും വെള്ളത്തില്‍ മുങ്ങി. താഴ്ന്ന ഭാഗങ്ങള്‍ വെള്ളത്തിനടിയിലായി. ഇടിമിന്നലോടുകൂടിയ മഴയില്‍ ഇന്നലെ മരം വീണ് പല സ്ഥലങ്ങളിലും ഗതാഗത തടസ്സമുണ്ടായി.