രണ്ടുപേരുടെയും വേര്‍പാട് നാടിനാകെ നൊമ്പരമായി... റീല്‍സ് ചിത്രീകരണത്തിന് പോകുന്നതിനിടെ വാഹനാപകടത്തില്‍ മരിച്ച അമ്മയും മകനും നാടിനാകെ വേദനയായി. ഇരുവരുടെയും സംസ്‌കാരം ഇന്ന് നടക്കും.

മാട്ടുമന്ത നടുവക്കാട്ട് പാളയത്ത് ശരത്തിന്റെ ഭാര്യ അഞ്ജു (26), മകന്‍ ശ്രിയാന്‍ ശരത്ത് (രണ്ട്) എന്നിവരാണ് കല്ലേക്കാട് കിഴക്കഞ്ചേരിക്കാവിനു സമീപം നിയന്ത്രണംവിട്ട സ്‌കൂട്ടര്‍ മറിഞ്ഞ് പൈപ്പില്‍ വീണ് മരിച്ചത്. ഇന്‍സ്റ്റഗ്രാം റീല്‍സ് ചിത്രീകരണത്തിനായി സുഹൃത്ത് സൂര്യലക്ഷ്മിയോടൊപ്പം ഒറ്റപ്പാലം വരിക്കാശ്ശേരി മനയിലേക്കു പോവുകയായിരുന്നു അഞ്ജുവും മകനും.

അഞ്ജുവാണ് വാഹനം ഓടിച്ചിരുന്നത്. എന്നാല്‍, സന്തോഷകരമായ യാത്ര അവസാനിച്ചത് ദുരന്തത്തിലാണ്. പരിക്കേറ്റ സുഹൃത്ത് കല്ലേക്കാട് സ്വകാര്യ ആശുപത്രിയില്‍ ചികിത്സയില്‍ കഴിയുകയാണ്. അഞ്ജുവിന്റെ ഭര്‍ത്താവ് മാട്ടുമന്ത നടുവക്കാട്ട് പാളയത്ത് ശരത് സ്വകാര്യ ധനകാര്യ സ്ഥാപനത്തില്‍ കലക്ഷന്‍ ഏജന്റാണ്. ശരത്തിന്റെ അമ്മ സരസു മലേഷ്യയിലാണ് ജോലി ചെയ്യുന്നത്. ഇവര്‍ ശനിയാഴ്ച എത്തിയശേഷം സംസ്‌കാരം നടത്തുമെന്ന് ബന്ധപ്പെട്ടവര്‍ പറഞ്ഞു.

അഞ്ജുവിന്റെയും മകന്റെയും വിയോഗം അറിഞ്ഞ് നാട്ടുകാരും പരിചയക്കാരും കൂട്ടുകാരുമായ നിരവധി പേരാണ് ജില്ല ആശുപത്രിയി??ലെത്തിയത്. മരിച്ച ശ്രീജന്‍ ശരത്തിന്റെയും അഞ്ജുവിന്റെയും ഏകമകനാണ്. ഇന്നലെ വൈകുന്നേരത്തോടെ ഇരുവരുടെയും പോസ്റ്റ്‌മോര്‍ട്ടം നടപടികള്‍ പൂര്‍ത്തിയാക്കി. മൃതദേഹങ്ങള്‍ ഇന്ന് വീട്ടിലേക്ക് കൊണ്ടുപോകും. മണികണ്ഠനാണ് അഞ്ജുവിന്റെ പിതാവ്. മാതാവ്: സുമതി. രണ്ടു സഹോദരങ്ങളുണ്ട്.