കാവിക്കൊടിയേന്തിയ ഭാരതാംബ വിവാദത്തില്‍ സര്‍ക്കാരും ഗവര്‍ണറും തമ്മില്‍ തര്‍ക്കം തുടരുന്നു. ഗവര്‍ണറുടെ കത്തിനു വീണ്ടും മറുപടി നല്‍കാനൊരുങ്ങുകയാണ് സര്‍ക്കാര്‍.

നിയമ പരിശോധനക്ക് ശേഷം മറുപടി നല്‍കാനാണ് സര്‍ക്കാരിന്റെ തീരുമാനമുള്ളത്. ഭരണഘടനാ വിദഗ്ധറുടെ നിലപാട് കൂടി ചേര്‍ത്തുള്ള മറുപടി നല്‍കാനാണ് നീക്കം.ചിത്രത്തെ അനുകൂലിച്ചുള്ള രാജ് ഭവന്‍ വാദങ്ങള്‍ക്ക് നിയമ പരിരക്ഷ ഇല്ലെന്ന് സര്‍ക്കാര്‍ പറയുന്നു. ഗവര്‍ണര്‍ ചൂണ്ടിക്കാട്ടിയത് സങ്കല്പം മാത്രമാണ്.

അതേസമയം, സെനറ്റ് ഹാളിലെ സംഘര്‍ഷവുമായി ബന്ധപ്പെട്ട് രജിസ്ട്രാര്‍ ഇന്ന് വിസിക്ക് റിപ്പോര്‍ട്ട് നല്‍കും. സംഘാടകര്‍ നിബന്ധനകള്‍ ലംഘിച്ചെന്ന നിലപാടിലാണ് രജിസ്ട്രാര്‍. അനുമതി റദ്ദാക്കിയിട്ടും ഗവര്‍ണറുടെ പരിപാടി തുടര്‍ന്നുവെന്നും റിപ്പോര്‍ട്ടില്‍.