നെടുമങ്ങാട് കൂവക്കുടിയ്ക്ക് സമീപം കരമനയാറ്റില്‍ കണ്ട മൃതദേഹം തമിഴ്‌നാട് തെങ്കാശിയുടേത്....
നെടുമങ്ങാട് കൂവക്കുടിയ്ക്ക് സമീപം കരമനയാറ്റില്‍ കണ്ട മൃതദേഹം തമിഴ്‌നാട് തെങ്കാശിയുടേത്. കടന്നല്ലൂര്‍ അക്കരകട്ട എസ്‌കെടി നഗര്‍ 114 നമ്പര്‍ വീട്ടില്‍ സെല്‍വ റീഗന്റെ (31) മൃതദേഹം ആണെന്ന് ബന്ധുക്കള്‍ തിരിച്ചറിയുകയായിരുന്നു. ബുധനാഴ്ച രാത്രി പത്തുമണിയോടെ ആണ് കൂവക്കുടിയ്ക്ക് സമീപം മൃതദേഹം കണ്ടെത്തിയത്.
ആര്യനാട്, വെള്ളനാട്, കുറ്റിച്ചല്‍ എന്നീ പ്രദേശങ്ങളില്‍ നടത്തുന്ന കോഴിഫാമുകളിലെ സൂപ്പര്‍വൈസര്‍ ആയിരുന്നു സെല്‍വ റീഗന്‍. കമ്പനി മുക്കിലെ വാടക വീട്ടില്‍ നിന്ന് കഴിഞ്ഞ 22-ാം തീയ്യതി വൈകുന്നേരം മുതല്‍ അദ്ദേഹത്തെ കാണാനില്ലായിരുന്നു.
ഇയാളുടെ ബൈക്ക് പിന്നീട് വെള്ളനാട് പഴയവീട്ടുമൂഴി ക്ഷേത്രത്തിന് സമീപം കരമനയാറ്റിന്റെ കരയില്‍ കണ്ടെത്തിയിരുന്നു. സെല്‍വ റീഗന്‍ ആത്മഹത്യ ചെയ്തതായിരിക്കാമെന്നാണ് പൊലീസ് നിഗമനത്തിലുള്ളത്. പോസ്റ്റുമോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുകൊടുത്തു. പൊലീസ് കേസെടുക്കുകയും ചെയ്തു.
" f
https://www.facebook.com/Malayalivartha
