മാളികപ്പുറം ക്ഷേത്രത്തിന് സമീപം നിര്‍മ്മിച്ച നവഗ്രഹ ക്ഷേത്രത്തിലെ പ്രതിഷ്ഠാകര്‍മ്മം ഭക്തര്‍ക്ക് പുണ്യദര്‍ശനമായി....
മാളികപ്പുറം ക്ഷേത്രത്തിന് സമീപത്തായി നിര്‍മ്മിച്ച നവഗ്രഹ ക്ഷേത്രത്തിലെ പ്രതിഷ്ഠാകര്‍മ്മം ഭക്തര്‍ക്ക് പുണ്യദര്‍ശനമായി മാറി. ഇന്നലെ രാവിലെ 11.02ന് കന്നിരാശി മുഹൂര്‍ത്തത്തിലായിരുന്നു പ്രതിഷ്ഠ നടത്തിയത്. തന്ത്രി കണ്ഠരര് രാജീവരരും മാളികപ്പുറം മേല്‍ശാന്തി വാസുദേവന്‍ നമ്പൂതിരിയും മുഖ്യകാര്‍മ്മികത്വം വഹിച്ചു.
രാവിലെ കലശമണ്ഡപത്തില്‍ ശയ്യയില്‍ ഉഷഃപൂജ നടന്നു. മരപ്പാണിയുള്‍പ്പെടെയുള്ള ചടങ്ങുകള്‍ക്ക് ശേഷമായിരുന്നു പ്രതിഷ്ഠ. തുടര്‍ന്ന് നവഗ്രഹ ക്ഷേത്രത്തിന്റെ താഴികക്കുടവും പ്രതിഷ്ഠിച്ചു. അഷ്ടബന്ധ ലേപനവും, ബ്രഹ്മ കലശാഭിഷേകവും, കുംഭാഭിഷേകവും നടത്തി. പ്രസന്നപൂജയ്ക്ക് ശേഷം ദീപാരാധനയോടെ ചടങ്ങുകള്‍ അവസാനിക്കുകയും ചെയ്തു. ആയിരക്കണക്കിന് ഭക്തര്‍ ചടങ്ങുകള്‍ക്ക് സാക്ഷികളായി.
തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് അഡ്വ. പി.എസ്. പ്രശാന്ത്, അംഗം അഡ്വ. എ. അജികുമാര്‍, ദേവസ്വം കമ്മിഷണര്‍ ബി. സുനില്‍കുമാര്‍, എ.ഡി.ജി.പി എം.ആര്‍. അജിത്കുമാര്‍ എന്നിവരും പങ്കെടുത്തു. രാത്രി 10ന് ശബരിമല നടയടച്ചു.
കര്‍ക്കടക മാസ പൂജകള്‍ക്കായി 16ന് വൈകുന്നേരം നട തുറക്കുകയും ചെയ്യും. 21ന് അടയ്ക്കുന്നതാണ്. തുടര്‍ന്ന് നിറപുത്തരി ഉത്സവത്തിനായി 29ന് തുറക്കും. നിറപുത്തരി 30നാണ് .
https://www.facebook.com/Malayalivartha
