അപകടമുണ്ടാക്കിയ ഡ്രൈവര്‍ക്ക് ഗുരുതരമായ വീഴ്ചവന്നുവെന്ന് കണ്ടെത്തി, ചാര്‍ജിങ് സ്റ്റേഷന്‍ സ്ഥാപിച്ചതിലും വലിയ പാകപ്പിഴ
വഴിക്കടവിലെ ഇലക്ട്രിക് വാഹന ചാര്‍ജിങ് സ്റ്റേഷനിലേക്ക് കാര്‍ ഇടിച്ചുകയറി നാല് വയസ്സുകാരന്‍ മരിച്ച സംഭവത്തില്‍ മോട്ടോര്‍വാഹന വകുപ്പ് എന്‍ഫോഴ്‌സ്‌മെന്റ് വിഭാഗത്തിന്റെ പരിശോധന...
വഴിക്കടവിലെ ഇലക്ട്രിക് വാഹന ചാര്‍ജിങ് സ്റ്റേഷനിലേക്ക് കാര്‍ ഇടിച്ചുകയറി നാല് വയസ്സുകാരന്‍ മരിച്ച സംഭവത്തില്‍ മോട്ടോര്‍വാഹന വകുപ്പ് എന്‍ഫോഴ്‌സ്‌മെന്റ് വിഭാഗം പരിശോധന നടത്തി. അപകടമുണ്ടാക്കിയ ഡ്രൈവര്‍ക്ക് ഗുരുതരമായ വീഴ്ചവന്നുവെന്നാണ് കണ്ടെത്തിയിരിക്കുന്നത്. കൂടാതെ ചാര്‍ജിങ് സ്റ്റേഷന്‍ സ്ഥാപിച്ചതിലും വലിയ പാകപ്പിഴയുണ്ടെന്നും പരിശോധനയില്‍ വ്യക്തമായിട്ടുണ്ട്.
ചെറിയൊരു കയറ്റത്തിലാണ് ചാര്‍ജിങ് സ്റ്റേഷനുള്ളത്. ഡ്രൈവര്‍ നിയന്ത്രിത വേഗത്തില്‍ കയറ്റം കയറുന്നതിനുപകരം അമിതമായി ആക്സിലറേറ്റര്‍ നല്‍കി. പിന്നീട് നിയന്ത്രണം നഷ്ടപ്പെട്ടപ്പോള്‍ ബ്രേക്കിന് പകരം വീണ്ടും ആക്സിലറേറ്റര്‍ അമര്‍ത്തിയെന്നും ഇതാണ് അപകടത്തിന്റെ തീവ്രത കൂട്ടിയെന്നാണ് പ്രാഥമിക കണ്ടെത്തലെന്ന് ഉദ്യോഗസ്ഥര്‍ പറയുന്നു.
നിരപ്പായ സ്ഥലത്തായിരുന്നെങ്കില്‍ ഇത്തരം അപകടങ്ങള്‍ ഒരു പരിധിവരെ ഒഴിവാക്കാമായിരുന്നുവെന്ന് ഉദ്യോഗസ്ഥര്‍ . ചാര്‍ജ് ചെയ്യാനെത്തുന്നവര്‍ക്ക് വിശ്രമിക്കാന്‍ മതിയായ സൗകര്യം സ്റ്റേഷനില്‍ ഇല്ല.ചാര്‍ജ് ചെയ്യാന്‍ വരുന്ന വാഹനങ്ങളുടെ അമിത വേഗം നിയന്ത്രിക്കാന്‍ സ്പീഡ് ബ്രേക്കറുകള്‍ ഇല്ലായിരുന്നു. ചാര്‍ജിങ് സ്റ്റേഷനില്‍ മിനുസമുള്ള ടൈലാണ് ഇട്ടിരുന്നത്. ഇനി റിപ്പോര്‍ട്ട് ഉടന്‍ ആര്‍ടിഒയ്ക്ക് നല്‍കും
"
https://www.facebook.com/Malayalivartha
