സെന്ട്രല് ജയില് നിന്ന് തടവ് ചാടിയ ഗോവിന്ദച്ചാമിയെ വിയ്യൂര് സെന്ട്രല് ജയിലിലേക്ക്.....
കണ്ണൂര് സെന്ട്രല് ജയില് നിന്ന് തടവ് ചാടിയ ഗോവിന്ദച്ചാമിയെ വിയ്യൂര് സെന്ട്രല് ജയിലിലേക്ക്കൊണ്ടുപോയി . അതീവ സുരക്ഷയുള്ള കണ്ണൂര് ജയിലില് നിന്ന് ഇന്നലെ പുലര്ച്ചെയാണ് ഗോവിന്ദച്ചാമി ജയില് ചാടിയത്. പിടികൂടിയ ശേഷം ഇന്നലെ വൈകുന്നേരത്തോടെ ജയിലിലേക്ക് തന്നെ എത്തിച്ചിരുന്നു.
സുരക്ഷ വീഴ്ച്ച ഉണ്ടായ പശ്ചാത്തലത്തില് നാല് ഉദ്യോഗസ്ഥരെ ജയില് വകുപ്പ് സസ്പെന്ഡ് ചെയ്തു. സെന്ട്രല് ജയിലിനകത്തെ ഇലക്ട്രിക് ഫെന്സിങും സിസിടിവികളും പ്രവര്ത്തന ക്ഷമമല്ലേ എന്നത് ഉള്പ്പെടെയുള്ള കാര്യങ്ങളിലും പരിശോധനകള് തുടരുന്നു.
ഗോവിന്ദച്ചാമിയുടെ ജയില്ചാട്ടത്തില് ജയിലില് സംഭവിച്ചത് അടിമുടി ഗുരുതര വീഴ്ചയാണെന്ന് വ്യക്തമായി്. വെള്ളിയാഴ്ച രാവിലത്തെ പരിശോധനയില് തടവുകാരെല്ലാം അഴിക്കുള്ളില് ഉണ്ടെന്നാണ് ഗാര്ഡ് ഓഫീസര്ക്ക് ലഭിച്ച റിപ്പോര്ട്ട്. ആരോ ഒരാള് ജയില് ചാടി എന്നറിഞ്ഞത് മതിലിലെ തുണി കണ്ടശേഷമാത്രമാണെന്നതാണ് ഞെട്ടിക്കുന്ന കാര്യം. വീണ്ടും പരിശോധിച്ചപ്പോഴാണ് ഗോവിന്ദച്ചാമിയാണ് ചാടിയതെന്ന് അറിഞ്ഞത്.
https://www.facebook.com/Malayalivartha
