ഇന്ന് ഉച്ചമുതൽ പ്രവചനം മാറി മാറിയും..! ഇടുക്കി ഡാമിൽ ആദ്യ മുന്നറിയിപ്പ്..!ഇന്ന് അവധി
29 JULY 2025 10:56 AM IST
മലയാളി വാര്ത്ത
വ്യഷ്ടിപ്രദേശത്ത് കനത്ത മഴ തുടരുന്നതിനാൽ ബാണാസുര സാഗർ അണക്കെട്ടിലും ജലനിരപ്പ് ഉയരുന്നുണ്ട്. നിലവിൽ 2 ഷട്ടറുകൾ 75 സെന്റീമീറ്റർ ഉയർത്തിയിരിക്കുകയാണ്. കരമാൻ തോട്, പനമരം പുഴയോരങ്ങളിലും താഴ്ന്ന പ്രദേശങ്ങളിലും താമസിക്കുന്നവര് ജാഗ്രത പാലിക്കണമെന്നാണ് നിർദേശം.
റെഡ് അലർട്ട് ഡാമുകൾ
ബാണസുര സാഗർ (90.37%)
ഷോളയാർ (98.1%)
മാട്ടുപെട്ടി (93.4%)
പൊന്മുടി (93.3%)
കുട്ട്യാടി ( 98.7%)
പോരിങ്ങൽ കൂത്ത് (73.7%)
കല്ലാർകുട്ടി ( 95.2%)
ലോവർ പെരിയാർ (97. 2%)
മൂഴിയാർ (90.3%)
മുൻ ദിവസങ്ങളെ അപേക്ഷിച്ചു മഴയുടെ തീവ്രത പൊതുവെ ഇന്ന് കുറയുമെന്നാണ് കാലാവസ്ഥ പ്രവചനം. എങ്കിലും മഴ സാധ്യത നിലനിൽക്കുകയാണ്. വടക്കൻ ജില്ലകളിൽ ഇന്നും ശക്തമായ മഴക്കും കാറ്റിനും സാധ്യതയുണ്ട്. ഇന്ന് ഒമ്പത് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് എന്നീ ജില്ലകളിലാണ് ഇന്ന് യെല്ലോ അലേർട്ട് പ്രഖ്യാപിച്ചിട്ടുള്ളത്. കേരളത്തിനു മുകളിൽ വടക്ക് പടിഞ്ഞാറൻ കാറ്റ് ശക്തമാണ്. ഗുജറാത്ത് തീരം മുതൽ വടക്കൻ കേരള തീരം വരെ തീരത്തോട് ചേർന്നുള്ള ന്യൂനമർദ പാത്തി സ്ഥിതിചെയ്യുന്നുണ്ട്. ഇതാണ് കേരളത്തിൽ ശക്തമായ മഴക്കുള്ള കാരണം.
പത്തനംതിട്ട കക്കി ഡാമിൽ ഓറഞ്ച് അലേർട്ട്. പ്രദേശവാസികൾ ജാഗ്രത പാലിക്കണമെന്നാണ് അറിയിപ്പ്. കക്കി ആനത്തോട് ഡാമിലെ ജലനിരപ്പ് ഓറഞ്ച് മുന്നറിയിപ്പ് നിലയായ 974.36 മീറ്ററില് എത്തിയ സാഹചര്യത്തില് പമ്പാ നദിയുടെയും കക്കാട്ടാറിന്റെ ഇരുകരകളില് താമസിക്കുന്നവരും പൊതുജനങ്ങളും ജാഗ്രത പുലര്ത്തണമെന്നാണ് മുന്നറിയിപ്പ്. ജില്ലാ ദുരന്തനിവാരണ അതോറിറ്റി ചെയർപേഴ്സണ് കൂടിയായ ജില്ലാ കലക്ടര് എസ്. പ്രേംകൃഷ്ണന് ആണ് മുന്നറിയിപ്പ് നൽകിയത്.
സംസ്ഥാനത്ത് മഴ തുടരുന്നതിനിടെ നാല് ജില്ലകളിലെ വിവിധ വിദ്യാഭ്യാസ സ്ഥാപനങ്ങൾക്ക് ഇന്ന് ( ജൂലൈ 28, തിങ്കളാഴ്ച) അവധി പ്രഖ്യാപിച്ചു. മഴയെത്തുടർന്ന് ദുരിതാശ്വാസ ക്യാമ്പുകൾ പ്രവർത്തിക്കുന്ന സ്കൂളുകൾക്കാണ് കോട്ടയം, പത്തനംതിട്ട, വയനാട് കളക്ടർമാർ ഇന്ന് അവധി നൽകിയത്. ആലപ്പുഴയിൽ കുട്ടനാട് താലൂക്കിലും ഇന്ന് അവധിയാണ്. കഴിഞ്ഞദിവസങ്ങളിൽ ശക്തമായ മഴ ലഭിച്ച സാഹചര്യത്തിലാണ് അവധി.
സസ്ഥാനത്ത് മഴയുടെ ശക്തി കുറഞ്ഞെങ്കിലും വിവിധ ജില്ലകളിൽ ഒറ്റപ്പെട്ട ശക്തമായ മഴ പെയ്യുന്നുണ്ട്. ഇന്ന് നാല് ജില്ലകളിൽ യെല്ലോ അലേർട്ടും നൽകിയിട്ടുണ്ട്. ഈ സാഹചര്യത്തിലാണ് ക്യാമ്പുകൾ പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്ക് ഇന്ന് അവധി നൽകിയത്. കളക്ടർമാരുടെ അവധി അറിയിപ്പ് വായിക്കാം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
