ഇലക്ട്രിക് വയര്‍ മൂത്രസഞ്ചിയില്‍ കുരുങ്ങി; ഇരുപത്തഞ്ചുകാരന്റെ മൂത്രനാളിയില്‍ മൂന്നുമീറ്ററോളം നീളമുള്ള ഇലക്ട്രിക് ഇന്‍സുലേഷന്‍ വയര്‍ പുറത്തെടുത്ത് ഡോക്‌ടർമാർ
ഇരുപത്തഞ്ചുകാരന്റെ മൂത്രനാളിയില്‍ മൂന്നുമീറ്ററോളം നീളമുള്ള ഇലക്ട്രിക് ഇന്‍സുലേഷന്‍ വയര്‍ .ഇലക്ട്രിക് ഇന്‍സുലേഷന്‍ വയര്‍ യുവാവ് സ്വയം കുത്തിക്കയറ്റുകയായിരുന്നു.എന്തിനാണ് യുവാവ് ഇങ്ങനെ ചെയ്തതെന്ന കാരണം വ്യക്തമല്ല. അപൂര്‍വ ശസ്ത്രക്രിയയിലൂടെ പുറത്തെടുത്ത് മെഡിക്കൽ സംഘം . തിരുവനന്തപുരം മെഡിക്കല്‍ കോളജ് ആശുപത്രിയിലായിരുന്നു ഓപ്പറേഷൻ.
യുവാവിന്റെ ജീവന്‍ രക്ഷിച്ചത് രണ്ടര മണിക്കൂറോളം നീണ്ട ശസ്ത്രക്രിയയിലൂടെയായിരുന്നു. ഇലക്ട്രിക് വയര്‍ പല കഷണങ്ങളായി മുറിച്ചായിരുന്നു യൂറോളജി വിഭാഗത്തിലെ ഡോക്ടര്‍മാര്‍ പുറത്തെടുത്തത്. ആശുപത്രിയിലെത്തുമ്പോള്‍ ഇലക്ട്രിക് വയര്‍ മൂത്രസഞ്ചിയില്‍ കുരുങ്ങിക്കിടക്കുന്ന നിലയിലായിരുന്നു. . ശസ്ത്രക്രിയയ്ക്കു ശേഷം തീവ്രപരിചരണ വിഭാഗത്തില്‍ ചികിത്സയില്‍ കഴിയുന്ന യുവാവ് സുഖം പ്രാപിച്ചു വരുന്നു.
യുവാവിന്റെ ജീവന്‍ രക്ഷിച്ച ഡോക്ടര്‍മാരെ ആരോഗ്യമന്ത്രി വീണാ ജോര്‍ജ് അഭിനന്ദിച്ചു. യൂറോളജി വിഭാഗം പ്രഫസര്‍ ഡോ.പി. ആര്‍.സാജു, അസി. പ്രഫസര്‍ ഡോ.സുനില്‍ അശോക്, സീനിയര്‍ റസിഡന്റുമാരായ ഡോ. ജിനേഷ്, ഡോ.അബു അനില്‍ ജോണ്‍, ഡോ.ഹരികൃഷ്ണന്‍, ഡോ. ദേവിക, ഡോ. ശില്‍പ, അനസ്തീസിയ വിഭാഗം അസി. പ്രഫസര്‍ ഡോ. അനീഷ്, സീനിയര്‍ റസിഡന്റ് ഡോ. ചിപ്പി എന്നിവര്‍ ശസ്ത്രക്രിയയ്ക്ക് നേതൃത്വം നല്‍കി.
https://www.facebook.com/Malayalivartha
