തിരുവനന്തപുരം നെയ്യാറ്റിന്‍കരയില്‍ പ്ലസ് വണ്‍ വിദ്യാര്‍ത്ഥിനി ജീവനൊടുക്കി. നെയ്യാറ്റിന്‍കര ജിഎച്ച്എസ്എസ് വിദ്യാര്‍ഥിനി ഊതുട്ടുകാല സ്വദേശിനി പ്രതിഭയാണ് മരിച്ചത്.

ഇടയ്ക്ക് മൂന്ന് ദിവസം കുട്ടി സ്‌കൂളില്‍ എത്തിയിരുന്നില്ല. സഹപാഠികള്‍ സംസാരിക്കുമെങ്കിലും ക്ലാസില്‍ സ്വന്തമായി സുഹൃത്തുക്കളില്ലാത്തതിനാല്‍ സ്‌കൂളില്‍ പോകാന്‍ കഴിയില്ലെന്നും മകള്‍ പറഞ്ഞിരുന്നതായി അമ്മ പ്രീത പറഞ്ഞു.

എന്നാല്‍, പ്രതിഭയെ സ്‌കൂളില്‍ ആരും ഒറ്റപ്പെടുത്തിയിട്ടില്ലെന്ന് അധ്യാപകര്‍ അറിയിച്ചു. പത്താം ക്ലാസ് വരെ നെല്ലിമൂട് സ്‌കൂളിലായിരുന്നു പ്രതിഭ പഠിച്ചിരുന്നത്.