ടി പി ചന്ദ്രശേഖരന് വധക്കേസിലെ പ്രതി കൊടി സുനിയുടെ പരോള് റദ്ദ് ചെയ്തു...
വ്യവസ്ഥ ലംഘിച്ചു.. പരോള് റദ്ദാക്കി... വീണ്ടും കണ്ണൂര് സെന്ട്രല് ജയിലില് എത്തിച്ചു
ടി പി ചന്ദ്രശേഖരന് വധക്കേസിലെ പ്രതി കൊടി സുനിയുടെ പരോള് റദ്ദ് ചെയ്തു. വയനാട് മീനങ്ങാടി സിഐയുടെ റിപ്പോര്ട്ടിന്റെ അടിസ്ഥാനത്തിലാണ് നടപടി. ജൂലൈ 21നാണ് കൊടി സുനിക്ക് 15 ദിവസത്തെ അടിയന്തര പരോള് അനുവദിച്ചത്.
മീനങ്ങാടി സ്റ്റേഷനില് റിപ്പോര്ട്ട് ചെയ്യണമെന്ന വ്യവസ്ഥ ലംഘിച്ചതിനാണ് പരോള് റദ്ദാക്കിയത്. കൊടി സുനിയെ വീണ്ടും കണ്ണൂര് സെന്ട്രല് ജയിലില് എത്തിച്ചു. കൊലക്കേസ് പ്രതിയായ കൊടി സുനിക്ക് മദ്യം കഴിക്കാനായി അവസരമൊരുക്കിയ സംഭവത്തില് കണ്ണൂരില് മൂന്ന് സിവില് പൊലീസുകാരെ ഇന്നലെ സസ്പെന്റ് ചെയ്തിരുന്നു.
തലശ്ശേരി കോടതിയില് നിന്ന് വരുന്ന വഴിയാണ് പ്രതികള് മദ്യം കഴിച്ചത്. ഭക്ഷണം കഴിക്കാന് കയറിയ ഹോട്ടലില് വച്ച് മദ്യം കഴിക്കാന് അവസരമൊരുക്കുകയായിരുന്നു. കഴിഞ്ഞ മാസം 17 നാണ് സംഭവം. സംഭവം പുറത്തുവന്നതോടെ പൊലീസുകാര്ക്കെതിരെ നടപടിയെടുക്കുകയായിരുന്നു.
https://www.facebook.com/Malayalivartha
