ഡിജിറ്റല് സര്വകലാശാല വൈസ് ചാന്സലറായി സിസാ തോമസിനെയും കെടിയു സര്വകലാശാല വൈസ് ചാന്സലറായി കെ. ശിവപ്രസാദിനെയും വീണ്ടും നിയമിച്ചു....
സര്വകലാശാലകളിലെ താല്ക്കാലിക വൈസ് ചാന്സലര് നിയമനത്തില് സര്ക്കാരിനെ മറികടന്ന് ഗവര്ണര് രാജേന്ദ്ര ആര്ലേക്കര്. ഡിജിറ്റല് സര്വകലാശാല വൈസ് ചാന്സലറായി സിസാ തോമസിനെയും കെടിയു സര്വകലാശാല വൈസ് ചാന്സലറായി കെ. ശിവപ്രസാദിനെയും വീണ്ടും നിയമിച്ചു. ആറുമാസത്തേക്കാണ് നിയമനം. വിജ്ഞാപനം രാജ്ഭവന് പുറത്തിറക്കി.
സാങ്കേതിക സര്വകലാശാലയിലും ഡിജിറ്റല് സര്വകലാശാലയിലും സ്ഥിരം വൈസ് ചാന്സലര്മാര് വരുന്നത് വരെ നിലവിലുള്ള താത്കാലിക വൈസ് ചാന്സലര്മാരെ പുനര്നിയമിച്ച് കൊണ്ട് ഗവര്ണര്ക്ക് ഉത്തരവിറക്കാമെന്ന് സുപ്രീംകോടതി ഇന്നലെ ഉത്തരവിട്ടിരുന്നു. ഇതിന് പിന്നാലെയാണ് ഗവര്ണറുടെ നീക്കം.
അതേസമയം, താത്കാലിക വൈസ് ചാന്സലര്മാരെ നിയമിക്കേണ്ടത് സാങ്കേതിക സര്വകലാശാല ആക്ടിന്റെ 13 (7) വകുപ്പ് പ്രകാരവും ഡിജിറ്റല് സര്വകലാശാല ആക്ടിന്റെ 11 (10) വകുപ്പ് പ്രകാരവുമാണെന്നാണ് സുപ്രീംകോടതി വ്യക്തമാക്കിയിരിക്കുന്നത്.
"
https://www.facebook.com/Malayalivartha
