പ്രായമായ അമ്മയെ നോക്കാത്തവര്‍ മനുഷ്യരല്ലെന്ന് ഹൈക്കോടതി. 100 വയസ്സായ അമ്മയ്ക്ക് മാസം 2000 രൂപവീതം ജീവനാംശം നല്‍കണമെന്ന കൊല്ലം കുടുംബകോടതി ഉത്തരവ് ചോദ്യംചെയ്ത് മകന്‍ നല്‍കിയ ഹര്‍ജി തള്ളിയ ഉത്തരവിലാണ് ജസ്റ്റിസ് പി.വി. കുഞ്ഞികൃഷ്ണന്റെ നിരീക്ഷണം.

അമ്മയല്ല ചേട്ടനാണ് കേസിനു പിന്നിലെന്ന ഹര്‍ജിക്കാരന്റെ വാദവും കോടതി അംഗീകരിച്ചില്ല. ഇത്തരമൊരു സാഹചര്യം ഉണ്ടാക്കരുതായിരുന്നെന്ന് കോടതി പറഞ്ഞു.

തന്റെ കൂടെ വന്ന് താമസിച്ചാല്‍ അമ്മയെ നോക്കാമെന്ന മകന്റെ വാദവും അംഗീകരിച്ചില്ല. അമ്മയെ നോക്കുകയെന്നത് ത്യാഗമല്ല, ചുമതലയാണ്. അതിനു കഴിഞ്ഞില്ലെങ്കില്‍ നാണക്കേടാണെന്ന് കോടതി പറഞ്ഞു.