കാരുണ്യത്തിന്റെയും മനുഷ്യ സ്നേഹത്തിന്റെയും മാതൃകകളായ രണ്ടു വ്യക്തികളെ ആദരിച്ച് കളക്ടറേറ്റിലെ ജീവനക്കാര്
തിരുവനന്തപുരം കളക്ടറേറ്റിലെ ജീവനക്കാര് ഇത്തവണ ഓണം ആഘോഷിച്ചത് കാരുണ്യത്തിന്റെയും മനുഷ്യ സ്നേഹത്തിന്റെയും മാതൃകകളായ രണ്ടു വ്യക്തികളെ ആദരിച്ചുകൊണ്ടാണ് . പ്ലാറ്റ് ഫോമിനും ട്രെയിനിനും ഇടയില്പെട്ടുപോയ യാത്രക്കാരിയെ അത്ഭുതകരമായി ജീവിതത്തിലേക്ക് കൈപിടിച്ചുയര്ത്തിയ രാഘവനുണ്ണിയെയും വിവാഹ സംഘം ഓട്ടോറിക്ഷയില് മറന്നു വച്ച 18 പവന് സ്വര്ണാഭരണങ്ങള് വീട്ടിലെത്തി തിരികെ നല്കിയ പ്രസന്നകുമാറിനെയും ജില്ലാ കളക്ടര് അനുകുമാരി ആദരിച്ചു.
എറണാകുളം റെയില്വേ ഡിപ്പോയിലെ ഇലക്ട്രിക്കല് ടെക്നീഷ്യനും പാലക്കാട് പറളി തേനൂര് സ്വദേശിയുമാണ് രാഘവനുണ്ണി. ഇക്കഴിഞ്ഞ ഒന്പതാം തീയതി എറണാകുളം നോര്ത്ത് റെയില്വേ സ്റ്റേഷനില് യാത്രക്കാരിയെ രക്ഷപ്പെടുത്തിയ രാഘവനുണ്ണി സോഷ്യല് മീഡിയയിലെ താരമാണിപ്പോള്. ആലപ്പുഴ ഗുരുപുരം ലൂഥറന് സ്കൂളിന് സമീപത്തെ സ്റ്റാന്റിലെ ഓട്ടോ െ്രെഡവറാണ് പ്രസന്നകുമാര്.
ബാങ്കോക്കില് നടന്ന മിസ്റ്റര് ഏഷ്യ (മാസ്റ്റേഴ്സ്) ബോഡി ബില്ഡിംഗ് ചാമ്പ്യന്ഷിപ്പില് നാലാം സ്ഥാനം കരസ്ഥമാക്കിയ നെയ്യാറ്റിന്കര തഹസില്ദാര് ഷാജി ടി ആറിനും കളക്ടര് ഉപഹാരം നല്കി. കളക്ടറേറ്റ് പരിസരത്തെ ഓപ്പണ് ജിം ഉപയോ?ഗപ്പെടുത്തി ജീവനക്കാര്ക്കിടയില് നടന്ന വെയ്റ്റ് ലോസ് ചലഞ്ചില് വിജയികളായവര്ക്കും സമ്മാനങ്ങള് വിതരണം ചെയ്തു. കളക്ടറേറ്റ് സ്റ്റാഫ് വെല്ഫയര് ആന്ഡ് റിക്രിയേഷന് ക്ലബ്ബിന്റെ നേതൃത്വത്തില് ജീവനക്കാരുടെ കലാകായിക മത്സരങ്ങള് നടത്തി. ചടങ്ങില് എഡിഎം ടി കെ വിനീത്, റിക്രിയേഷന് ക്ലബ് പ്രസിഡന്റ് അജീഷ് കുമാര് വി, സെക്രട്ടറി ഷിജിന് എസ് ആര് തുടങ്ങിയവര് പങ്കെടുത്തു.
https://www.facebook.com/Malayalivartha
