കടലാക്രമണത്തെ തുടര്‍ന്ന് റോഡിലേക്ക് കയറിക്കിടക്കുന്ന മണലില്‍ കയറി നിയന്ത്രണം വിട്ട സ്‌കൂട്ടറില്‍ നിന്നും വീണ യുവാവിന് ദാരുണാന്ത്യം
കടലാക്രമണത്തെ തുടര്‍ന്ന് റോഡിലേക്ക് കയറിക്കിടക്കുന്ന മണലില്‍ കയറി നിയന്ത്രണം വിട്ട സ്‌കൂട്ടറില്‍ നിന്നും വീണ യുവാവ് ബസ് കയറി ദാരുണാന്ത്യം. ആറാട്ടുപുഴ കോണിപ്പറമ്പില്‍ താജുദ്ദീന്‍ മുസ്ലിയാരുടെ മകന്‍ മിഥിലാജാണ് (24) മരിച്ചത്.
തൃക്കുന്നപ്പുഴ- വലിയഴിക്കല്‍ റോഡില്‍ കാര്‍ത്തിക ജംഗ്ഷന് തെക്ക് ഭാഗത്ത് വൈകുന്നേരം ആറരയോടെയാണ് സംഭവം നടന്നത്. ആറാട്ടുപുഴ ഭാഗത്തേക്ക് സ്‌കൂട്ടറില്‍ പോകുമ്പോള്‍ മണ്ണില്‍ കയറി നിയന്ത്രണം വിട്ട സ്‌കൂട്ടര്‍ മറിഞ്ഞതിനെ തുടര്‍ന്ന് റോഡിലേക്ക് വീണ മിഥിലാജിന്റെ ദേഹത്തുകൂടി ഈ റൂട്ടില്‍ ഓടുന്ന പത്മം എന്ന സ്വകാര്യ ബസ്സ് കയറി ഇറങ്ങുകയായിരുന്നു.
ഉടന്‍ തന്നെ ആലപ്പുഴ മെഡിക്കല്‍ കോളജില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. ആറാട്ടുപുഴ എ. ആര്‍. സ്‌കൂട്ടര്‍ വര്‍ക്ക് ഷോപ്പിലെ ജോലിക്കാരനായിരുന്നു മിഥിലാജ്. മാതാവ്: മുംതാസ്. സഹോദരി: മിസ് രിയ.
https://www.facebook.com/Malayalivartha
