ഒരാഴ്ച മുൻപു കാണാതായ ഗൃഹനാഥനെ തൂങ്ങി മരിച്ചനിലയിൽ കണ്ടെത്തി. ഇടുക്കി പണിക്കൻകുടിയിലാണ് സംഭവം . മൃതദേഹം കണ്ടെത്തിയവരിൽ ഒരാൾ കുഴഞ്ഞു വീണു മരിച്ചു.

പൊട്ടനാനിക്കൽ തങ്കൻ ഇട്ടുണ്ടാനാണ് (63) തൂങ്ങിമരിച്ചത്. വീടിന് ഒരു കിലോമീറ്ററോളം അകലെ ഒരു പുരയിടത്തിലെ മരത്തിലായിരുന്നു തൂങ്ങിമരിച്ചത്. .പണിക്കൻകുടി വെട്ടിക്കാട്ടിൽ ജോർജ് ആണു കുഴഞ്ഞു വീണു മരിച്ചത്.. സമീപവാസികളാണു തങ്കനും ജോർജും.

31 മുതൽ തങ്കനെ കാണാനില്ലായിരുന്നു. ബുധനാഴ്ച രാത്രി സമീപത്തെ പുരയിടത്തിൽനിന്നു ദുർഗന്ധം വമിച്ചതോടെ നാട്ടുകാർ നടത്തിയ പരിശോധനയിലാണു മരിച്ചനിലയിൽ കണ്ടെത്തിയത്. സംഘത്തിൽ ജോർജും ഉണ്ടായിരുന്നു. മൃതദേഹം കണ്ടതോടെ ജോർജ് കുഴഞ്ഞുവീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.