കൊല്ലം കുളത്തൂപ്പുഴയിൽ നടുറോഡിൽ ഗുണ്ടായിസം; 58-കാരനായ ഓട്ടോ ഡ്രൈവറെ ചെരുപ്പൂരി മർദിച്ച യുവതിക്കെതിരെ കേസ്

നിരത്തുകളിൽ നിയമം കയ്യിലെടുക്കുന്ന പ്രവണത വീണ്ടും. കൊല്ലം കുളത്തൂപ്പുഴയിൽ വാഹനാപകടത്തിന് പിന്നാലെ 58 വയസ്സുള്ള ഓട്ടോറിക്ഷാ ഡ്രൈവറെ സ്കൂട്ടർ യാത്രക്കാരി ചെരുപ്പൂരി മർദിച്ചു. കല്ലുവെട്ടാംകുഴി ജങ്ഷന് സമീപം ഇന്നലെ രാവിലെ 9.30-ഓടെയായിരുന്നു സംഭവം. തെറ്റായ ദിശയിലെത്തിയ സ്കൂട്ടർ ഓട്ടോറിക്ഷയിലിടിച്ചതിന് പിന്നാലെയായിരുന്നു യുവതിയുടെ ആക്രമണം. മർദനത്തിൽ ഇടതുകണ്ണിന് പരിക്കേറ്റ ഓട്ടോ ഡ്രൈവർ അഷറഫ് കുളത്തൂപ്പുഴ ഗവൺമെന്റ് ആശുപത്രിയിൽ ചികിത്സ തേടി. സംഭവത്തിൽ യുവതിക്കെതിരെ പൊലീസ് കേസെടുത്തിട്ടുണ്ട്.
https://www.facebook.com/Malayalivartha

























