ഗുരുവായൂർ ക്ഷേത്രത്തിലെത്തുന്ന ഭക്തരോട് ജീവനക്കാർ ഒരു കാരണവശാലും മോശമായി പെരുമാറരുതെന്നും സഹിഷ്ണുതയോടെ പ്രവർത്തിക്കണമെന്നും ഹൈക്കോടതി

ഗുരുവായൂർ ക്ഷേത്രത്തിലെത്തുന്ന ഭക്തരോട് ജീവനക്കാർ ഒരു കാരണവശാലും മോശമായി പെരുമാറരുതെന്നും സഹിഷ്ണുതയോടെ പ്രവർത്തിക്കണമെന്നും ഹൈക്കോടതി. ക്ഷേത്ര ജീവനക്കാരുടെ ഭാഗത്തു നിന്ന് ഭക്തർക്ക് നേരിടേണ്ടി വന്ന ഉപദ്രവവും അധിക്ഷേപങ്ങളും ചൂണ്ടിക്കാട്ടി നൽകിയ പരാതികളുടെ അടിസ്ഥാനത്തിൽ സ്വമേധയാ എടുത്ത ഹർജികളിലാണ് ജസ്റ്റിസ് ബസന്ത് ബാലാജി എന്നിവരടങ്ങിയ ദേവസ്വം ബെഞ്ചിന്റെ നിർദേശമുള്ളത്.
ഭക്തരോട് ഒരു കാരണവശാലും ദേഷ്യം പ്രകടപ്പിക്കരുതെന്നും സമചിത്തതയോടെ പെരുമാറണം. എന്ത് പ്രകോപനമുണ്ടായാലും തർക്കമോ മോശം പെരുമാറ്റമോ ഉണ്ടാകരുതെന്നും കോടതി നിർദേശിച്ചു.
നിർദേശങ്ങൾ പൂർണമായി പാലിക്കുമെന്നും നടപ്പിലാക്കുമെന്നും ഗുരുവായൂർ ദേവസ്വം അഭിഭാഷകൻ ഉറപ്പു നൽകി. ഇതേതുടർന്ന് ഹൈക്കോടതി ഹർജി തീർപ്പാക്കുകയായിരുന്നു.
"
https://www.facebook.com/Malayalivartha

























