കാ​സ​ർ​കോ​ട് കു​മ്പ​ള ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ ക​ലോ​ത്സ​വത്തിൽ ഗ​സ്സ പ്ര​മേ​യ​മാ​യ മൈം അ​വ​ത​ര​ണം തീ​രും മു​മ്പേ അധ്യാപകർ തടഞ്ഞതിനെ തുടർന്ന് നിർത്തിവെച്ചിരുന്നു. അത് വീണ്ടും തിങ്കളാഴ്ച നടത്തും. നിർത്തിവെച്ച ഗ​സ്സ പ്ര​മേ​യ​മാ​യ മൂ​കാ​ഭി​ന​യം അടക്കമുള്ളവ വേദിയിൽ അവതരിപ്പിക്കും.

അതേസമയം, മൈം ​അ​വ​ത​രി​പ്പി​ച്ച​തി​ന് പ​രി​പാ​ടി നി​ർ​ത്തി​വെ​പ്പി​ച്ച്‌ ക​ലോ​ത്സ​വം ത​ന്നെ മാ​റ്റി​വെ​ച്ച സം​ഭ​വ​ത്തി​ൽ നാളെ തന്നെ ഡി.ഡി.ഇ അന്വേഷണ റിപ്പോർട്ട് സമർപ്പിക്കും.

സംഭവം വാർത്തയും വിവാദവുമായതിനെ തുടർന്ന് അ​ടി​യ​ന്ത​ര അ​ന്വേ​ഷ​ണ​ത്തി​ന് പൊതു വിദ്യാഭ്യാസ മ​ന്ത്രി വി. ​ശി​വ​ൻ​കു​ട്ടി പൊ​തു​വി​ദ്യാ​ഭ്യാ​സ ഡ​യ​റ​ക്ട​ർ​ക്കാണ് നി​ർ​ദേ​ശം ന​ൽ​കിയത്. സം​ഭ​വ​ത്തി​ൽ വി​ദ്യാ​ഭ്യാ​സ മ​ന്ത്രി ക​ല​ക്ട​റോ​ടും റി​പ്പോ​ർ​ട്ട് തേ​ടിയിട്ടുണ്ട്.

കു​മ്പ​ള ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ ക​ലോ​ത്സ​വ​വേ​ദി​യി​ൽ ഗ​സ്സ പ്ര​മേ​യ​മാ​യ മൂ​കാ​ഭി​ന​യ (മൈം) മ​ൽ​സ​ര​ത്തി​ൽ അ​വ​ത​ര​ണം തീ​രും മു​മ്പേ അ​ധ്യാ​പ​ക​രാണ് ക​ർ​ട്ട​നി​ട്ടത്.

വി​ഷ​യം വി​വാ​ദ​ത്തി​ലും സം​ഘ​ർ​ഷ​ത്തി​ലും എ​ത്തി​യ​തോ​ടെ സ്കൂ​ൾ ക​ലോ​ത്സ​വം ​ത​ന്നെ നി​ർ​ത്തി​വെ​ച്ചു. വെ​ള്ളി, ശ​നി ദി​വ​സ​ങ്ങ​ളി​ലാ​യി ന​ട​ക്കേ​ണ്ട ക​ലോ​ത്സ​വ​ത്തി​ൽ വെ​ള്ളി​യാ​ഴ്ച രാ​ത്രി ഏ​ഴു​ മ​ണി​യോ​ടെ​യാ​ണ് സം​ഭ​വം. ഹ​യ​ർ സെ​ക്ക​ൻ​ഡ​റി വി​ദ്യാ​ർ​ഥി​ക​ളു​ടെ മൈം ​ഷോ​യി​ലാ​ണ് ഗ​സ്സ പ്ര​മേ​യ​മാ​ക്കി അ​വ​ത​രി​പ്പി​ച്ച​ത്. 10 മി​നി​റ്റ് ദൈ​ർ​ഘ്യ​മു​ള്ള മൈം ​ര​ണ്ട് മി​നി​റ്റും 10 സെ​ക്ക​ൻ​ഡും വേ​ദി​യി​ൽ അ​ര​ങ്ങേ​റി.

തു​ട​ർ​ന്ന് മ​ത്സ​രാ​ർ​ഥി​ക​ൾ ഗ​സ്സ ദൈ​ന്യ​ത​യു​​ടെ പ്ല​ക്കാ​ർ​ഡ് ഉ​യ​ർ​ത്തി​യ​പ്പോ​ൾ മൂ​ന്ന് ഹ​യ​ർ സെ​ക്ക​ൻ​ഡ​റി അ​ധ്യാ​പ​ക​ർ രം​ഗ​ത്തെ​ത്തി ക​ർ​ട്ട​ൻ താ​ഴ്ത്താ​ൻ നി​ർ​ദേ​ശം ന​ൽ​കു​ക​യാ​യി​രു​ന്നു. അ​വ​ത​ര​ണം നി​ഷേ​ധി​ച്ച​തോ​ടെ ​മൈം ​അ​വ​ത​രി​പ്പി​ച്ച വി​ദ്യാ​ർ​ഥി​ക​ൾ പു​റ​ത്തി​റ​ങ്ങി പ്ല​ക്കാ​ർ​ഡ് ഉ​യ​ർ​ത്തി പ്ര​തി​ഷേ​ധി​ക്കുകയും ചെയ്തിരുന്നു.