തെരുവുനായ നിയന്ത്രണത്തില് കടുത്ത നിലപാടുകളുമായി സുപ്രീം കോടതി
തെരുവുനായ്ക്കളുടെ ആക്രമണത്തില് കുട്ടികള്ക്കോ വയോധികര്ക്കോ പരിക്കേല്ക്കുകയോ മരണം സംഭവിക്കുകയോ ചെയ്താല് ഉത്തരവാദിത്തപ്പെട്ട സംസ്ഥാന സര്ക്കാരുകള് ഭീമമായ നഷ്ടപരിഹാരം നല്കേണ്ടി വരുമെന്ന് സുപ്രീം കോടതി മുന്നറിയിപ്പ്.
കൂടാതെ തെരുവുനായ്ക്കള്ക്ക ഭക്ഷണം നല്കുന്നവര്ക്കെതിരെ സുപ്രീം കോടതി നിലപാട് വ്യക്തമാക്കി. നായ്ക്കള്ക്ക് തെരുവില് ഭക്ഷണം നല്കുന്നവര്ക്കും ആക്രമണങ്ങളുടെ കാര്യത്തില് ഉത്തരവാദിത്തമുണ്ടെന്ന് ജസ്റ്റിസുമാരായ വിക്രം നാഥ്, സന്ദീപ് മേത്ത, എന്.വി. അഞ്ജരിയ എന്നിവരടങ്ങുന്ന പ്രത്യേക ബെഞ്ച് വ്യക്തമാക്കി.
അതുപോലെ നായ്ക്കള്ക്ക് ഭക്ഷണം നല്കണമെന്ന് ആഗ്രഹമുള്ളവര് അവയെ സ്വന്തം വീട്ടിലേക്ക് കൊണ്ടുപോയി അത് ചെയ്യണം എന്നും കോടതി നിര്ദ്ദേശിച്ചു. തെരുവുനായ്ക്കള്ക്ക് തീറ്റ നല്കുന്ന സ്ത്രീകള് പീഡിപ്പിക്കപ്പെടുന്നു എന്ന തരത്തിലുള്ള പരാതികള് കോടതി പരിശോധിക്കാന് വിസമ്മതിച്ചു. ഇത് ക്രമസമാധാന പ്രശ്നമാണെന്നും താല്പര്യമുള്ളവര്ക്ക് എഫ്ഐആര് ഫയല് ചെയ്യാമെന്നും കോടതി വ്യക്തമാക്കി. തെരുവുനായ്ക്കളെ കൈകാര്യം ചെയ്യുന്നതില് നഗരസഭകള് ഉള്പ്പെടെയുള്ള തദ്ദേശ സ്ഥാപനങ്ങള് പരാജയപ്പെട്ടതായും കോടതി നിരീക്ഷിച്ചു.
https://www.facebook.com/Malayalivartha
