മഹാമാഘ ഉത്സവത്തിന് തിരുനാവായയിൽ തിരക്കേറി... പ്രത്യേക ട്രെയിനുകൾ അനുവദിച്ച് നോർത്ത് റെയിൽവേ . വാരണാസി, യോഗ് നാഗരി ഹൃഷികേശ് എന്നിവിടങ്ങളിൽ നിന്നാണ് ട്രെയിനുകൾ ഓടിക്കുന്നത്. രണ്ട് ട്രെയിനുകളും എറണാകുളം വരെയാണ് സർവീസ് നടത്തുക.

വാരണാസി - എറണാകുളം സ്‌പെഷൽ ട്രെയിൻ (04358) 30 ന് വൈകിട്ട് 4.30 ന് വാരണാസി ജങ്ഷനിൽ നിന്ന് യാത്ര ആരംഭിക്കും. ജബൽപൂർ, നാഗ്പൂർ ജങ്ഷൻ, തിരുപ്പൂർ, കോയമ്പത്തൂർ എന്നിവിടങ്ങളിലൂടെ എത്തുന്ന ട്രെയിൻ പിറ്റേന്ന് വൈകിട്ട് 5.43 ന് പാലക്കാടെത്തും 7.03 ന് തൃശൂരിലും 8.23 ന് ആലുവയിലുമെത്തുന്ന ട്രെയിൻ 10 ന് എറണാകുളം ജങ്ഷനിൽ യാത്രയവസാനിപ്പിക്കും.

ഈ ട്രെയിൻ ഫെബ്രുവരി 3 നാണ് തിരിച്ചു പോകുന്നത്. രാത്രി 8 ന് പുറപ്പെടുന്ന ട്രെയിൻ 8.28 ന് ആലുവയിലും 9.38 ന് തൃശൂരിലും 11 18 ന് പാലക്കാടുമെത്തും.

30 ന് രാവിലെ 7 മണിക്കാണ് യോഗ് നാഗരി ഹൃഷികേശിൽ നിന്ന് ട്രെയിൻ പുറപ്പെടുന്നത്. ഫെബ്രുവരി ഒന്നിന് ഉച്ചയ്ക്ക് 12.50 ന് മംഗലാപുരത്തെത്തും. 1.53 ന് കാസർഗോഡും 2.23 ന് കണ്ണൂരിലും 5.08 ന് കോഴിക്കോടും 5.44 ന് തിരൂരിലുമെത്തുന്ന ട്രെയിൻ 6 മണിക്ക് കുറ്റിപ്പുറത്തും 6.30 ന് ഷൊർണൂരിലുമെത്തും. ഈ ട്രെയിൻ രാത്രി 11.30 ന് എറണാകുളത്ത് യാത്ര അവസാനിപ്പിക്കുന്നതാണ്.

ഫെബ്രുവരി 3 ന് രാത്രി 11 ന് എറണാകുളത്ത് നിന്ന് തിരിച്ച് പുറപ്പെടും. പുലർച്ചെ 2.45 ന് കുറ്റിപ്പുറത്തെത്തും. 3.05 ന് തിരൂരിലും 4.10 ന് കോഴിക്കോടും 5.48 ന് കണ്ണൂരും 7.28 ന് കാസർകോടും 9.10 ന് മംഗലാപുരത്തുമെത്തുന്ന ട്രെയിൻ 6 ന് വൈകിട്ട് 4.15 ന് യോഗ് നാഗരി ഹൃഷികേശിൽ തിരിച്ചെത്തും. ട്രെയിനുകൾക്ക് താൽക്കാലിക സ്റ്റോപ്പ് അനുവദിച്ചു. കുറ്റിപ്പുറം സ്റ്റേഷനിൽ താൽക്കാലിക സ്റ്റോപ്പ് അനുവദിച്ചു. തിരുവനന്തപുരം - മംഗലാപുരം അന്ത്യോദയ എക്‌സ്പ്രസ് (16355) 30 ന് കുറ്റിപ്പുറത്ത് നിർത്തും. ഈ ട്രെയിനിന് 24 നും സ്റ്റോപ്പ് നൽകിയിരുന്നു.

തിരുവനന്തപുരം സെൻട്രൽ ജനശതാബ്ദി എക്‌സ്പ്രസ് (12081) ഇന്നും 31 നും കുറ്റിപ്പുറത്ത് നിർത്തും. 24 നും ഈ ട്രെയിൻ നിർത്തിയിരുന്നു. മംഗളൂരു സെൻട്രൽ സൂപ്പർഫാസ്റ്റ് എക്സ്പ്രസ് (12685) ഇന്നും 30 നും 31 നും കുറ്റിപ്പുറത്ത് നിർത്തുന്നതാണ്.