മാധ്യമങ്ങളില് സ്വന്തം പേര് ചര്ച്ചയാക്കി സീറ്റ് ഉറപ്പിക്കാന് നോക്കുന്നവരെ പരിഗണിക്കില്ലെന്ന് കെ.സി. വേണുഗോപാല്
നിയമസഭാ തിരഞ്ഞെടുപ്പില് സ്ഥാനാര്ത്ഥി നിര്ണയത്തിന് കടുത്ത അച്ചടക്കമുണ്ടാകുമെന്ന മുന്നറിയിപ്പുമായി എഐസിസി ജനറല് സെക്രട്ടറി കെ.സി. വേണുഗോപാല് എംപി. സ്വയം സ്ഥാനാര്ത്ഥികളാകാന് ശ്രമിക്കുന്നവരെയോ, മാധ്യമങ്ങളിലൂടെ സ്വന്തം പേര് ചര്ച്ചയാക്കി സീറ്റ് ഉറപ്പിക്കാന് നോക്കുന്നവരെയോ ഇക്കുറി പരിഗണിക്കില്ലെന്ന് അദ്ദേഹം വ്യക്തമാക്കി. കേരള ഗസറ്റഡ് ഓഫീസേഴ്സ് യൂണിയന് സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
സ്ഥാനാര്ത്ഥികളെ തീരുമാനിക്കുന്നത് പാര്ട്ടിയുടെ കേന്ദ്ര തിരഞ്ഞെടുപ്പ് കമ്മിറ്റിയായിരിക്കുമെന്നും, വിജയസാധ്യത മാത്രമായിരിക്കും പ്രധാന മാനദണ്ഡമെന്നും അദ്ദേഹം ഓര്മ്മിപ്പിച്ചു. വ്യക്തിപരമായ താത്പര്യങ്ങള്ക്കായി മറ്റു നേതാക്കളെ ഇകഴ്ത്തിക്കാട്ടുന്ന പ്രവണത അംഗീകരിക്കാനാവില്ല. സ്ഥാനാര്ത്ഥിത്വത്തിനായി സ്വന്തം നിലയില് നീക്കം നടത്തുന്നവര്ക്ക് പാര്ട്ടിയില് സ്ഥാനമുണ്ടാകില്ലെന്ന കര്ശന സന്ദേശമാണ് അദ്ദേഹം നല്കിയത്.
അതേസമയം, സമ്മേളനത്തില് പങ്കെടുത്ത വി.ടി. ബല്റാമിനെയും രമ്യ ഹരിദാസിനെയും 'മുന് എംഎല്എ', 'മുന് എംപി' എന്ന് അഭിസംബോധന ചെയ്ത വേണുഗോപാല്, ഇരുവരുടെയും പേരിലെ 'എക്സ്' (മുന്) എന്ന പദവി ഉടന് മാറുമെന്ന് പ്രത്യാശ പ്രകടിപ്പിച്ചു. ഇരുവരും വരാനിരിക്കുന്ന തിരഞ്ഞെടുപ്പിലൂടെ വീണ്ടും സഭയിലെത്തുമെന്ന സൂചന നല്കുന്നതായിരുന്നു അദ്ദേഹത്തിന്റെ വാക്കുകള്.
https://www.facebook.com/Malayalivartha
