താത്കാലിക ജീവനക്കാരെ സ്ഥിരപ്പെടുത്താനുള്ള സര്ക്കാര് ഉത്തരവ് തടഞ്ഞ് ഹൈക്കോടതി
താത്കാലിക ജീവനക്കാരെ സ്ഥിരപ്പെടുത്താനുള്ള സര്ക്കാര് ഉത്തരവ് ഹൈകോടതി തടഞ്ഞു. തദ്ദേശ സ്ഥാപനങ്ങളിലേക്കുള്ള നിയമനത്തിനായി ചീഫ് സെക്രട്ടറി പുറത്ത് ഇറക്കിയ ഉത്തരവാണ് തടഞ്ഞത്. താത്കാലിക ജീവനക്കാരെ സ്ഥിരപ്പെടുത്തുന്നതിന് ഹൈകോടതി വിലക്ക് നിലന്നിനിരുന്നു. ഇത് മറികടന്ന് ചീഫ് സെക്രട്ടറി ഉത്തരവ് ഇറക്കിയത് എന്നായിരുന്നു ഹര്ജിക്കാരുടെ വാദം.
വിവിധ സര്ക്കാര് അര്ദ്ധസര്കാര് സ്ഥാപനങ്ങളിലെ സ്ഥിരപ്പെടുത്താല് ചോദ്യം ചെയ്ത ഹര്ജിയില്, ഇനിമേല് സുപ്രീം കോടതി ഉത്തരുവുകള്ക്കു വിരുദ്ധമായി ജീവനക്കാരെ സ്ഥിരപ്പെടുത്തരുത് എന്ന് കോടതി വിധിച്ചിരുന്നു.
ചീഫ് സെക്രട്ടറി കൂടി കക്ഷിയായ ഈ വിധിന്യായം നിലനില്ക്കുമ്പോള് ആണു ഇപ്പോള് സര്ക്കാര് പുതിയ സ്ഥിരപ്പെടുത്താല് ഉത്തരവുകള് ഇറക്കിയതും, പുതിയ ഉത്തരവുകള് ഇറക്കാന് തയാറെടുക്കുന്നതും, കോടതി അലക്ഷ്യം ആണെന്ന് ആരോപിച്ചു ഹര്ജിക്കാര് നല്കിയ അപേക്ഷയിലാണ് ജസ്റ്റിസ് മുഹമ്മദ് നിയാസ് ചീഫ് സെക്രട്ടറിക്ക് നിര്ദേശം നല്കിയിരുന്നത്.
എന്നാല് പല തവണ സമയം അനുവദിച്ചു നല്കിയിട്ടും സര്ക്കാര് വിശദീകരണം കോടതിയില് നല്കിയില്ല. ഈ സാഹചര്യത്തിലാണ് താത്കാലിക ജീവനക്കാരെ സ്ഥിരപ്പെടുത്തുന്നത് തടഞ്ഞു കൊണ്ട് ജസ്റ്റിസ് മുഹമ്മദ് നിയാസ് ഉത്തരവ് പാസ്സ് ആക്കിയത്. ഹര്ജിക്കാര്ക്കായി അഡ്വ എ എല് നവനീത് കൃഷ്ണന് ഹാജരായി.
https://www.facebook.com/Malayalivartha
