നാട്ടിക എംഎല്എ സി സി മുകുന്ദനെതിരെ അച്ചടക്ക നടപടി: പാര്ട്ടി നടപടി പ്രതീക്ഷിച്ചതാണെന്നും അത്ഭുതമോ ഭയമോ ഇല്ലെന്ന് എംഎല്എ
നാട്ടിക എംഎല്എ സിസി മുകുന്ദന് പാര്ട്ടി വിരുദ്ധ പ്രവര്ത്തനങ്ങള് നിരന്തരം നടത്തുന്നതിന്റെ വെളിച്ചത്തില് നടപടിയെടുക്കാന് സിപിഐ ജില്ലാ എക്സിക്യൂട്ടീവ് കമ്മിറ്റി മണ്ഡലം കമ്മിറ്റിയോട് ആവശ്യപ്പെട്ടിരുന്നു തുടര്ന്നാണ് അച്ചടക്ക നടപടി. നാട്ടികയില് സീറ്റ് നിഷേധിച്ചതോടെയാണ് എംഎല്എ പാര്ട്ടിയുമായി തെറ്റിയത്. തുടര്ന്ന് പാര്ട്ടിയില് നിന്നും രാജിവയ്ക്കുന്നതായി കഴിഞ്ഞദിവസം പ്രഖ്യാപിച്ചിരുന്നു.
പുറത്താക്കല് നടപടിയില് സി സി മുകുന്ദന് പ്രതികരിച്ചിരുന്നു. പാര്ട്ടി നടപടി പ്രതീക്ഷിച്ചതാണെന്നും അത്ഭുതമോ ഭയമോ ഇല്ലെന്ന് എംഎല്എ പറഞ്ഞു. തന്റെ പ്രതിഷേധം അറിയിക്കാനാണ് മത്സരിക്കുന്നതെന്നും മാദ്ധ്യമങ്ങളോട് അദ്ദേഹം അറിയിച്ചു. തന്നെ ദ്രോഹിച്ചവരെക്കുറിച്ച് വരുംദിവസങ്ങളില് തിരഞ്ഞെടുപ്പ് കമ്മിറ്റി യോഗങ്ങളിലൂടെയും ജനങ്ങളോടും തുറന്നുപറയും. ബിജെപിയുടെയോ കോണ്ഗ്രസിന്റെയോ അടക്കം എല്ലാവരുടെയും പിന്തുണ സ്വീകരിക്കുമെന്ന് അദ്ദേഹം വ്യക്തമാക്കി.
കഴിഞ്ഞദിവസമാണ് നാട്ടിക സീറ്റ് പേയ്മെന്റ് സീറ്റാണെന്ന് ആരോപിച്ച് അദ്ദേഹം സി.പി.ഐ മണ്ഡലം കമ്മിറ്റിയില് നിന്ന് രാജിവച്ചത്. 'നാട്ടികയില് സ്വതന്ത്രനായി മത്സരിക്കുമെന്നും അറിയിച്ചു. വേണ്ടിവന്നാല് എം.എല്.എ സ്ഥാനവും രാജിവയ്ക്കും. കോണ്ഗ്രസ് നേതാക്കള് പിന്തുണയറിയിച്ചിട്ടുണ്ട്. പാര്ട്ടി പിന്നില് നിന്ന് കുത്തി. എന്നെ മാറ്റി ഗീതാഗോപിയെ സ്ഥാനാര്ത്ഥിയാക്കിയതില് പ്രതിഷേധിച്ചാണ് രാജി' എന്നും എംഎല്എ വ്യക്തമാക്കി.
https://www.facebook.com/Malayalivartha
