വാർദ്ധക്യത്തെ പ്രതിരോധിക്കാനും മനുഷ്യന്റെ ആയുസ്സ് അസാധാരണമാംവിധം വർദ്ധിപ്പിക്കാനും ലക്ഷ്യമിട്ടുള്ള വൻകിട പദ്ധതികളാണ് റഷ്യയിൽ അണിയറയിൽ ഒരുങ്ങുന്നത്. വാർദ്ധക്യത്തെ പ്രതിരോധിക്കാനും മരണത്തെ പോലും തോൽപ്പിക്കാനുമുള്ള ഈ ബൃഹത്തായ ശാസ്ത്രീയ ദൗത്യത്തിന് നേതൃത്വം നൽകുന്നത് പുടിന്റെ ഏറ്റവും അടുത്ത വിശ്വസ്തനും ശാസ്ത്ര ഉപദേഷ്ടാവുമായപുടിന്റെ അടുത്ത സുഹൃത്തും വിശ്വസ്തനുമായ മിഖായേൽ കോവൽചുക്ക് നേതൃത്വം നൽകുന്ന പ്രശസ്തമായ കുർച്ചതോവ് ഇൻസ്റ്റിറ്റ്യൂട്ട്, പെട്രോവ്സ്കി റഷ്യൻ റിസർച്ച് സെന്റർ ഓഫ് സർജറിയുമായി സഹകരിച്ചാണ് ഈ നിർണ്ണായക ഗവേഷണങ്ങൾക്ക് ചുക്കാൻ പിടിക്കുന്നത്.

സ്വതന്ത്ര റഷ്യൻ മാധ്യമമായ 'ഏജന്റ്‌സ്‌ത്വോ' ആണ് ലോകശ്രദ്ധ ആകർഷിക്കുന്ന ഈ ഗവേഷണ വിവരങ്ങൾ ആദ്യം പുറത്തുവിട്ടത്.ദീർഘകാലം ജീവിക്കുന്ന പ്രൈമേറ്റുകളുടെ (കുരങ്ങുകൾ ഉൾപ്പെടുന്ന സസ്തനി വിഭാഗം) രക്തസാമ്പിളുകൾ ശേഖരിച്ച് ഒരു പ്രത്യേക ബ്ലഡ് ബാങ്ക് നിർമ്മിക്കാനാണ് ശാസ്ത്രജ്ഞരുടെ പ്രധാന പദ്ധതി. പ്രായമാകുന്ന പ്രക്രിയ ശരീരത്തിൽ എങ്ങനെയാണ് സംഭവിക്കുന്നതെന്നും, കോശങ്ങളുടെ നശീകരണം എങ്ങനെ തടയാമെന്നുംമനസ്സിലാക്കാൻ ഈ രക്തസാമ്പിളുകൾ ഉപയോഗിക്കുമെന്ന് സർജറി സെന്റർ ഡയറക്ടർ കോൺസ്റ്റാന്റിൻ കോട്ടെങ്കോ 'കുർച്ചതോവ് ജീനോമിക് ഫോറത്തിൽ' വ്യക്തമാക്കി. മനുഷ്യന്റെ ആയുസ്സ് നീട്ടുന്നതിനുള്ള കൃത്യമായ ഒരു നിയന്ത്രണ സംവിധാനംസൃഷ്ടിക്കുന്നതിനുള്ള

ആദ്യപടിയാണ് കുരങ്ങുകളിൽ നടത്തുന്ന ഈ വിപുലമായ ഗവേഷണമെന്ന് കോവൽചുക്കും ഫോറത്തിൽ ചൂണ്ടിക്കാട്ടി.നുഷ്യന്റെ ആയുസ്സ് വർദ്ധിപ്പിക്കുന്നതിലും വാർദ്ധക്യസഹജമായ അവശതകളില്ലാതെ ദീർഘകാലം ജീവിക്കുന്നതിലും പ്രസിഡന്റ് പുടിനും കോവൽചുക്കിനും വലിയ താല്പര്യമുണ്ടെന്ന് വിവിധ റഷ്യൻ മാധ്യമങ്ങൾ നേരത്തെ തന്നെ റിപ്പോർട്ട് ചെയ്തിരുന്നു. ഇതിന്റെ ഭാഗമായി കോവൽചുക്കിന്റെ ഇൻസ്റ്റിറ്റ്യൂട്ടിൽ 22 വ്യത്യസ്ത ഇനങ്ങളിലായി 7,000-ത്തിലധികം കുരങ്ങുകളെയാണ് ഗവേഷണങ്ങൾക്കായി പരിപാലിക്കുന്നത്.

ഇവയിൽ 18-നും 30-നും ഇടയിൽ പ്രായമുള്ള, അതായത് വാർദ്ധക്യത്തിലേക്ക് കടന്ന കുരങ്ങുകളിലാണ് ശാസ്ത്രജ്ഞർ പ്രധാനമായും പഠനം കേന്ദ്രീകരിച്ചിരിക്കുന്നത്. ഇവയുടെ രക്തക്കുഴലുകൾ, തലച്ചോറ്, മറ്റ് ആന്തരികാവയവങ്ങൾ എന്നിവയുടെ പ്രവർത്തനക്ഷമതയും പ്രായമാകുമ്പോഴുണ്ടാകുന്ന മാറ്റങ്ങളുമാണ് സൂക്ഷ്മമായി നിരീക്ഷിക്കുന്നത്.വാർദ്ധക്യത്തിന്റെ എല്ലാ ഘട്ടങ്ങളും കൃത്യമായി രേഖപ്പെടുത്തുന്നതിനായി പ്രായമായ കുരങ്ങുകളിൽ സമ്പൂർണ്ണ വൈദ്യപരിശോധനകളാണ് നടത്തുന്നതെന്ന് കോവൽചുക്ക് വിശദീകരിച്ചു.