ഫ്ലാറ്റില്നിന്ന് 1.30ന് ബെന്‍സുമായി 17-കാരന്‍ പുറത്തേക്ക്..! കാറിൽ മറ്റൊരാളും..!! ഈ പെണ്ണൊരുത്തി ഇറങ്ങും..! അറ്റം കണ്ടേ അടങ്ങു
കൊച്ചി ചേരാനല്ലൂരില്‍ സ്‌കൂട്ടര്‍ യാത്രികനായ ജയപാലകൃഷ്ണന്‍ മരിക്കാനിടയായ വാഹനാപകടമുണ്ടാക്കിയ കൗമാരക്കാരന്‍ പുലര്‍ച്ചെ കാറുമായി ഫ്ലാറ്റില്നിന്ന് പുറത്തേക്ക് പോകുന്നതിന്റെ നിര്‍ണായക സിസിടിവി ദൃശ്യങ്ങള്‍ പുറത്ത്. ഞായറാഴ്ച പുലര്‍ച്ചെ 1.36-നാണ് ആലുവ കമ്പനിപ്പടിയിലെ ഫ്ലാറ്റില്നിന്ന് പെരുമഴയത്ത് 17-കാരന്‍ ബെന്‍സ് കാറുമായി ഇറങ്ങിയത്. തുടര്‍ന്ന് പുലര്‍ച്ചെ 2.20-ഓടെ ചേരാനല്ലൂര്‍ കണ്ടെയ്നര്‍ റോഡില്‍വെച്ചാണ് ദാരുണമായ അപകടമുണ്ടാകുന്നത്. അപകടമുണ്ടാക്കിയ 17 കാരനും കുടുംബവും താമസിക്കുന്ന ഫ്ലാറ്റില്‍ നിന്നാണ് ഈ കൗമാരക്കാരന്‍ വാഹനവുമായി പോകുന്നത്. ഫ്ലാറ്റില്‍ നിന്നും ഇറങ്ങി പ്രധാന റോഡിലേക്ക് കയറുന്നതിനു മുമ്പുള്ള ദൃശ്യങ്ങളാണ് ഇപ്പോള്‍ പുറത്തു വന്നിരിക്കുന്നത്. സംഭവത്തില്‍ 17-കാരനായ ഡ്രൈവറെയും പിതാവായ അഡീഷണല്‍ ജഡ്ജിയെയും കേന്ദ്രീകരിച്ച് അന്വേഷണം പൊലീസ്
തട്ടുകടയിലെ ജോലി കഴിഞ്ഞ് പുലര്‍ച്ചെ വീട്ടിലേക്ക് മടങ്ങുകയായിരുന്ന മാഞ്ഞാലി സ്വദേശി ജയപാലകൃഷ്ണന്റെ സ്‌കൂട്ടറിന് പിന്നില്‍ അമിതവേഗത്തിലെത്തിയ ബെന്‍സ് കാര്‍ ഇടിക്കുകയായിരുന്നു. ഇടിയുടെ ആഘാതത്തില്‍ സ്‌കൂട്ടര്‍ പൂര്‍ണമായും തകരുകയും ജയപാലകൃഷ്ണന്‍ റോഡിലേക്ക് തെറിച്ചുവീണ് തല്‍ക്ഷണം മരിക്കുകയും ചെയ്തു. വാഹനത്തിന്റെ അമിതവേഗം കാരണം സ്‌കൂട്ടറിലുണ്ടായിരുന്ന സാധനങ്ങള്‍ റോഡില്‍ മീറ്ററുകളോളം ദൂരത്തേക്ക് ചിതറിത്തെറിച്ചിരുന്നു.
അപകടത്തിന് ശേഷം പോലീസ് നടത്തിയ അന്വേഷണത്തില്‍ കൗമാരക്കാരന്റെ മൊഴികളില്‍ വലിയ പൊരുത്തക്കേടുകളാണ് കണ്ടെത്തിയത്. വാഹനം ഓടിക്കാനുള്ള ആഗ്രഹം കാരണം എടുത്തതാണെന്നും യൂട്യൂബ് നോക്കിയാണ് ഡ്രൈവിങ് പഠിച്ചതെന്നും 17-കാരന്‍ പോലീസിനോട് പറഞ്ഞെങ്കിലും ഇത് വിശ്വാസത്തിലെടുത്തിട്ടില്ല. ഇതിനുമുമ്പും ഇയാള്‍ വാഹനം ഓടിച്ചിട്ടുണ്ടെന്നതിന്റെ വിവരങ്ങളും ചിത്രങ്ങളും സോഷ്യല്‍ മീഡിയ പ്ലാറ്റ്ഫോമായ ഇന്‍സ്റ്റഗ്രാമില്‍ ഉണ്ടായിരുന്നു. എന്നാല്‍ അപകടം നടന്നയുടന്‍ ഈ തെളിവുകളെല്ലാം അക്കൗണ്ടില്‍നിന്ന് നീക്കം ചെയ്തതായി അന്വേഷണസംഘം വ്യക്തമാക്കി. കാര്‍ ഓടിക്കുന്ന സമയത്ത് റൈഡിന്റെ ദൃശ്യങ്ങള്‍ സ്വന്തം ഫോണില്‍ പകര്‍ത്തിയിരുന്നതായും, വാഹനം 104 കിലോമീറ്ററോളം വേഗത്തിലാണ് പായിച്ചിരുന്നതെന്നും പോലീസ് കണ്ടെത്തിയിട്ടുണ്ട്.
മകന് കാറുമായി പുറത്തുപോയ കാര്യം താന്‍ അറിഞ്ഞിരുന്നില്ലെന്നാണ് പിതാവായ അഡീഷണല്‍ ജഡ്ജിയുടെ വിശദീകരണം. ഞായറാഴ്ച വൈകിട്ടേ താന്‍ എഴുന്നേല്‍ക്കുകയുള്ളൂ എന്ന് മകന് മെസ്സേജ് അയച്ചശേഷമാണ് ഉറങ്ങാന്‍ പോയതെന്നും അദ്ദേഹം അറിയിച്ചു. 2012 മോഡല്‍ കറുത്ത ബെന്‍സ് കാര്‍ 2022-ലാണ് ഔദ്യോഗിക ആവശ്യങ്ങള്‍ക്കായി വാങ്ങിയത്. കോടതിയില്‍ പോകുന്നതിനും മറ്റും ഔദ്യോഗിക ആവശ്യങ്ങള്‍ക്കായി ഉപയോഗിച്ചിരുന്ന വാഹനമാണിത്. പ്രായപൂര്‍ത്തിയാകാത്ത മകന് വാഹനം ഓടിക്കാന്‍ നല്‍കിയതിന് മോട്ടോര്‍ വാഹന നിയമത്തിലെ വ്യവസ്ഥകള്‍ പ്രകാരം ആര്‍.സി. ഉടമയായ ജഡ്ജിയെയും കേസിലെ പ്രതിപ്പട്ടികയില്‍ ഉള്‍പ്പെടുത്തിയിട്ടുണ്ട്.
https://www.facebook.com/Malayalivartha
