അട്ടിമറികളുടെ കളമായിരുന്നു ഈ തിരഞ്ഞെടുപ്പില്‍ എറണാകുളത്ത് കണ്ടത്.കൊച്ചി,തൃപ്പൂണിത്തറ,മൂവാറ്റുപുഴ,പെരുമ്പാവൂര്‍, കോതമംഗലം എന്നീ മണ്ഡലങ്ങളിലാണ് സുപ്രധാനമായ അട്ടിമറികള്‍ നടന്നത്.നിലവില്‍ മന്ത്രിയായിരുന്ന കെ.ബാബു ത്രിപ്പൂണിത്തറയില്‍ പരാജയപ്പെട്ടത് ശ്രദ്ധേയമായിരുന്നു. കോണ്‍ഗ്രസ് ഏറെ പ്രതീക്ഷ അര്‍പിച്ച മണ്ഡലമായിരുന്നു തൃപ്പൂണിത്തറ. കേരളത്തിലെ മദ്യ നിരോധനത്തിലൂടെ പുതിയ തരംഗം സൃഷ്ടിക്കാന്‍ കെ.ബാബുവിന് കഴിഞ്ഞില്ല. സി.പി.എം. സ്ഥാനാര്‍ഥി ആയ അഡ്വ. എം. സ്വരാജ് ആണ് മന്ത്രി ബാബു വിനെ പരാജയപ്പെടുത്തിയത്. 4467 വോട്ടിന്റെ ഭൂരിപക്ഷത്തോടെയാണ് കെ.ബാബു വിനെ പരാജയപ്പെടുത്തിയത്. 62697 വോട്ടാണ് സ്വരാജിന് ലഭിച്ചതെങ്കില്‍ 58230 വോട്ടാണ് കെ.ബാബുവിന് നേടാനായത്. ബി.ജെ.പി സ്ഥാനാര്‍ഥി പ്രൊഫ. തുറവൂര്‍ വിശ്വംഭരന്‍ 29843 വോട്ടുകളും നേടി.
കൊച്ചി മണ്ഡലത്തിലെ ഡോമിനിക് പ്രസന്‌ടെഷന്‍ 2011 തിരഞ്ഞെടുപ്പില്‍ 16503 വോട്ടിന്റെ ഭൂരിപക്ഷത്തോടെ ജയിച്ച സ്ഥാനാര്‍ഥിയാണ് എന്നാല്‍ ഈ തിരഞ്ഞെടുപ്പില്‍ സി.പി.എം സ്ഥാനാര്‍ഥി കെ.ജെ.മാക്‌സി 1086 വോട്ടിന്റെ ഭൂരിപക്ഷത്തോട ജയിച്ചു. കോണ്‍ഗ്രസ്സിന്റെ ശക്തി കേന്ദ്രമായ കൊച്ചിയില്‍ സി.പി.എമ്മിന്റെത് അട്ടിമറി വിജയമാണ്.
മൂവാറ്റുപുഴയില്‍ സിറ്റിംഗ് എം.എല്‍.എ. ജോസഫ് വാഴയ്ക്കനെ സി.പി.ഐ. സ്ഥാനാര്‍ഥി എല്‍ദോ എബ്രഹാം 9375 വോട്ടുകളുടെ ഭൂരിപക്ഷത്തോടെ തോല്പിച്ചു. വികസനവും,പ്രവര്‍ത്തനങ്ങളും നല്ല രീതിയില്‍ നടന്നിട്ടും വാഴക്കന്റെ തോല്‍വിക്ക് ഒരു പരിധി വരെ ഇടതുപക്ഷ തരംഗവും കാരണമായിട്ടുണ്ട്.
തുടര്‍ച്ചയായ നാലാം തവണ തിരഞ്ഞെടുപ്പിനെ നേരിട്ട പെരുമ്പാവൂര്‍ സ്ഥാനാര്‍ഥി സാജു പോളിനെ എല്‍ദോസ് കുന്നപ്പള്ളി അട്ടിമറിച്ചതും ഈ തിരഞ്ഞെടുപ്പിലെ മികച്ച അട്ടിമറി ആയിരുന്നു. നിലവിലെ പെരുമ്പാവൂര്‍ എം.എല്‍.എ. സാജു പോളിനെ 7088 വോട്ടിന്റെ ഭൂരിപക്ഷത്തോടെ ആണ് കുന്നപ്പിള്ളി വീഴ്ത്തിയത്. ബി.ജെ.പി സ്ഥാനാര്‍ഥി ആയി മത്സരിച്ച ഇ.എസ് ബിജു 19731 വോട്ടുകളും നേടി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha