ജിഷ വധക്കേസ്: പ്രതിയുടെ സഹോദരന് പിടിയില്; തനിക്ക് നാട്ടില് പോകണമെന്ന് അമീറുല് കോടതിയോട്
ജിഷ വധക്കേസിലെ പ്രതി അമീറുല് ഇസ്ലാമിനെ 10 ദിവസം പൊലീസ് കസ്റ്റഡിയില് വിട്ടു. കോടതിയില് ഹാജരാക്കിയപ്പോള് എന്തെങ്കിലും പറയാനുണ്ടോയെന്ന് കോടതി അമീറിനോട് ചോദിച്ചു. തനിക്ക് നാട്ടില് പോകണമെന്നായിരുന്നു മറുപടി. അമീറിന്റെ സഹോദരന് ബദറുല് ഇസ്ലാമിനെ പൊലീസ് കസ്റ്റഡിയിലെടുത്തു. പെരുമ്പാവൂരില്നിന്നാണ് ഇയാളെ പിടികൂടിയത്. ഇവിടെ സ്വകാര്യ കമ്പനിയില് ജോലി ചെയ്യുകയായിരുന്നു. അസമില്നിന്നു പോയ ശേഷം ഇയാളെക്കുറിച്ച് വിവരമൊന്നുമില്ലെന്ന് കുടുംബാംഗങ്ങള് നേരത്തെ പറഞ്ഞിരുന്നു. പൊലീസ് ഇയാള്ക്കായും തിരച്ചില് നടത്തിവരികയായിരുന്നു.
അതിനിടെ, പ്രതിയുടെ ദൃശ്യങ്ങള് പുറത്തുവരാതിരിക്കാന് പൊലീസ് അപേക്ഷ സമര്പ്പിച്ചു. പ്രതിയെ കസ്റ്റഡിയില് ലഭിക്കുന്നതോടെ തെളിവെടുപ്പ് പുനരാരംഭിക്കും. മുഖം മറച്ചായിരിക്കും തെളിവെടുപ്പ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
