കേരളത്തില് സദാചാരകൊലപാതകം വീണ്ടും: യുവാവിനെ വീട്ടില് കയറി നാട്ടുകാര് മര്ദ്ദിച്ചു കൊന്നു
കാപാലികന്മാരുടെ അഴിഞ്ഞാട്ടം. കേരളത്തില് സദാചാര കൊലപാതകം വീണ്ടും. മലപ്പുറം മങ്കടയില് യുവാവിനെ നാട്ടുകാര് മര്ദ്ദിച്ചു കൊന്നു. സംശയാസ്പദമായ സാഹചര്യത്തില് കണ്ടെന്ന് ആരോപിച്ച് യുവാവിനെ പ്രദേശവാസികളായ ഏതാനും നാട്ടുകാര് ചേര്ന്ന് മര്ദിച്ചുകൊല്ലുകയായിരുന്നു. കൂട്ടില് കുന്നശേരി നസീര്(40) ആണ് മരണമടഞ്ഞത്.
യുവാവിനെ കൊലപ്പെടുത്തിയത് വീടിനുള്ളില് വെച്ചെന്ന് സ്ഥലം എസ്ഐ പറഞ്ഞു.വാതില് ചവിട്ടി പൊളിച്ച് അകത്തു കയറിയാണ് യുവാവിനെ മര്ദിച്ചത്. ചുമരില് ചേര്ത്ത് തലയിടിപ്പിച്ചുളള മര്ദനം. ചുമരില് തലയിടിപ്പിച്ചതിന്റെ രക്തക്കറ കണ്ടെത്തിയതായി പൊലീസ് അറിയിച്ചിട്ടുണ്ട്. നസീറിന്റെ മൃതദേഹം പെരിന്തല്മണ്ണ ജില്ലാ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
ഇന്നലെ രാത്രിയില് ഒരു വീടിന് സമീപം കണ്ട നസീറിനെ സദാചാര ഗുണ്ടകള് സംഘംചേര്ന്ന് മര്ദിക്കുകയായിരുന്നു. മര്ദനത്തില് തലയ്ക്ക് ഉള്പ്പെടെ സാരമായ പരുക്കേറ്റ ഇയാളെ രാത്രി ആശുപത്രിയില് പ്രവേശിപ്പിച്ചിരുന്നു. എന്നാല് തലയ്ക്കേറ്റ മാരകമായ പരിക്കിനെ തുടര്ന്ന് നസീര് മരണമടയുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
