തിരഞ്ഞെടുപ്പ് കഴിഞ്ഞു രണ്ടു മാസമായിട്ടും വി എസിന്റെ പദവിയെക്കുറിച്ച ആങ്കലാപ്പിലാണ് പാര്‍ട്ടി ദേശീയ-സംസ്ഥാന നേതൃത്വം. എന്നാല്‍ ഇതു വരെ അര്‍ഹമായ പദവി ലഭിക്കാത്ത വി എസിനു ഇത്തവണ സമരമുഖത്തു നേതൃത്വം നല്‍കാന്‍ ക്ഷണം കിട്ടിയിരിക്കുന്നതാകട്ടെ സിനിമയില്‍ നിന്ന്. സി കെ ജീവന്‍ദാസിന്റെ സംവിധാനത്തില്‍ ക്യാമ്പസ് പശ്ചാത്തലത്തില്‍ ഒരുങ്ങുന്ന 'ക്യാമ്പസ് ഡയറി' എന്ന ചിത്രത്തില്‍ അഭിനയിക്കുന്നതിനാണ് വിഎസിനെ ക്ഷണിച്ചിരിക്കുന്നത്.

കൂത്തു പറമ്പിലെ ദൃശ്യ ആര്‍ട്‌സ് ക്ലബ് എന്ന കൂട്ടായ്മയുടെ പ്രഥമ സംരംഭമാണ് 'ക്യാമ്പസ് ഡയറി'. സിനിമയില്‍ ഒരു കോളേജിലെ വിദ്യാര്‍ത്ഥികള്‍ തമ്മിലുള്ള പോസ്റ്ററുമായി ബന്ധപ്പെട്ട സംഘര്‍ഷവും, തുടര്‍ന്നുണ്ടാകുന്ന രസകരമായ മുഹൂര്‍ത്തങ്ങളുമാണ് സിനിമയുടെ ഇതിവൃത്തം. ചിത്രത്തില്‍ വിഎസ് ആയിത്തന്നെയാണ് അഭിനയിക്കാന്‍ ക്ഷണിച്ചിരിക്കുന്നത്.

ജലക്ഷാമമനുഭവിക്കുന്ന ഒരു ഗ്രമത്തിലേക്ക് കടന്നു ചെല്ലുന്ന വിദ്യാര്‍ത്ഥികള്‍. ജലക്ഷാമത്തിനു പരിഹാരമായി അടുത്തുള്ള ജലസംഭരണിയിലേക്കു വഴി വെട്ടുന്നതിനു എന്‍എസ്എസ് ക്യാമ്പ് സംഘടിപ്പിക്കുകയും, ഈ സമയത്ത് കുടിവെള്ള കമ്പനിയിലേക്ക് കുടിവെള്ളം കടത്തുന്നത് കണ്ടെത്തുന്ന വിദ്യാര്‍ത്ഥികള്‍ സമരം ആരംഭിക്കുകയും, സമരത്തിന് ഐക്യദാര്‍ഢ്യം പ്രഖ്യാപിക്കുന്നതിനാണ് വിഎസ് എത്തുന്നത്. സിനിമയില്‍ താരമായി വിഎസിനു കൂടാതെ സുദേവ് നായര്‍, ജോയ് മാത്യു, ഗൗതമി നായര്‍, കോട്ടയം നസീര്‍, മാമുക്കോയ, തലൈവാസല്‍ വിജയ് തുടങ്ങിയവരും അഭിനയിക്കുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha