വ്രതശുദ്ധിയുടെയും ഭക്തിയുടെയും നിറവില് ഇസ്ലാം മത വിശ്വാസികള്ക്ക് ഇന്ന് ചെറിയ പെരുന്നാള്
മുപ്പത് ദിവസം നീണ്ട വ്രതാനുഷ്ഠാനത്തിന് ശേഷം ഇസ്ലാം മത വിശ്വാസികള്ക്ക് ഇന്ന് ചെറിയ പെരുന്നാള്. രാവിലെ സംസ്ഥാനത്തിന്റെ വിവിധ ഭാഗങ്ങളില് ഈദ് ഗാഹുകള് സംഘടിപ്പിച്ചിട്ടുണ്ട്.വ്രതശുദ്ധിയും വിശ്വാസങ്ങളും മുറുകെ പിടിച്ച് പെരുന്നാള് ആഘോഷിക്കണമെന്ന് മതപണ്ഡിതര് ഓര്മ്മപ്പെടുത്തുന്നു ജീവിതത്തെ നബിചര്യയില് ചിട്ടപ്പെടുത്തിയ റമസാന്റെ വ്രതവിശുദ്ധിയില് വിശ്വാസികള് ഇന്ന് ചെറിയ പെരുന്നാള് ആഘോഷിക്കുകയാണ്.
അത്തറ് പൂശി പുതുവസ്ത്രങ്ങളണിഞ്ഞ് ഈദ് ഗാഹുകളില് ഒത്ത് കൂടി ആഹ്ലാദത്തിന്റെ ദിനത്തെ അവര് വരവേല്ക്കുന്നു.പള്ളിമിനാരങ്ങളില് നിന്നും തക്ബീര് മുഴങ്ങുമ്പോള് ഒരുമനസ്സായി ചേര്ന്ന് സ്നേഹവും സാഹോദര്യവും അവര് പരസ്പരം പങ്കുവെയ്ക്കുന്നു. പരിശുദ്ധ റമസാനില് സമാഹരിച്ച വിശുദ്ധി നഷ്ടപ്പെടാതെ വേണം ആഘോഷങ്ങളെന്ന് മതപപണ്ഡിതര് വിശ്വാസികളെ ഓര്മ്മപ്പെടുത്തുന്നു. ,
മാപ്പിളപ്പാട്ടിന്റെ ശീലും ചേലുമുള്ള പുലരിയില് മൈലാഞ്ചി മൊഞ്ചും ബിരിയാണിയുടെ സ്വാദൂറും മണവും ആഘോഷത്തിന് മാറ്റ് കൂട്ടുന്നു.ബന്ധുവീടുകളിലെ സന്ദര്ശനവും ധനധാന്യങ്ങള് പങ്കുവെയ്ക്കലും െപരുന്നാള് ദിവസം നിര്ബന്ധം. പരസ്പരം ഈദാശംസകള് നേര്ന്നും വിരുന്നൊരുക്കിയും മതസൗഹാര്ദത്തിന്റെ വേദി കൂടി ആവുകയാണ് പെരുന്നാള് ദിനം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
