മതം മാറ്റി പെണ്‍കുട്ടികളെ ഐഎസ്എസില്‍ എത്തിക്കുന്നുവെന്ന ആരോപണത്തിന് പിന്നാലെ കൊഴിക്കോട് നിന്നും മറ്റൊരു സംഭവം. കോഴിക്കോട് ഗവ. മെഡിക്കല്‍ കോളജിലെ എംബിബിഎസ് വിദ്യാര്‍ഥിനി കാമുകനൊപ്പം ഒളിച്ചോടി. സംഭവം ലൗജിഹാദാണെന്ന പരാതിയുമായി ചില സംഘടനകള്‍ രംഗത്തെത്തി. ഇതോടെ മെഡിക്കല്‍ കോളജ് പോലീസ് എറണാകുളത്തെ കാമുകന്റെ വീട്ടില്‍ നിന്നും പെണ്‍കുട്ടിയെ കസ്റ്റഡിയിലെടുത്ത് കോഴിക്കോട്ടെത്തിച്ചു.
വ്യത്യസ്ത സമുദായങ്ങളില്‍പ്പെട്ട പെണ്‍കുട്ടിയും യുവാവും ആറുവര്‍ഷത്തോളമായി പ്രണയത്തിലാണെന്ന് പോലീസും പറഞ്ഞു. ഇതിനു മുമ്പും ഇരുവരും ഒളിച്ചോടിയിരുന്നു. എന്നാല്‍ വീട്ടുകാര്‍ പോലീസ് സഹായത്തോടെ പിടികൂടുകയും തിരികെ കൊണ്ടുവരികയായിരുന്നു.
തുടര്‍ന്ന് രണ്ടുദിവസം മുമ്പാണ് വീണ്ടും ഒളിച്ചോടിയത്. യുവതിയെ മതം മാറ്റി തീവ്രവാദ സംഘടനയില്‍ അംഗമാക്കാനാണ് നീക്കമെന്നാരോപിച്ചാണ് ഹനുമാന്‍സേന, ശ്രീരാംസേന, ബിജെപി തുടങ്ങിയ സംഘപരിവാര്‍ സംഘടനകള്‍ രംഗത്തു വന്നിരിക്കുന്നത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ ബുക്ക്‌ Like ചെയ്യുക

https://www.facebook.com/Malayalivartha