സംസ്ഥാന സര്‍ക്കാര്‍ പ്ലാസ്റ്റിക്ക് ഉപയോഗിച്ച് ദേശീയ പതാക നിര്‍മ്മിക്കുന്നത് കര്‍ശനമായി നിരോധിച്ചുകൊണ്ട് ഉത്തരവിറക്കി. ഇത്തരത്തിലുള്ള പതാകയുടെ വിതരണവും, വില്‍പനയും, ഉപയോഗവും, പ്രദര്‍ശനവും നിരോധിച്ചിച്ചുണ്ട്. 
ദേശീയ പതാകയുടെ പ്രാധാന്യവും മഹത്വവും കണക്കിലെടുത്ത് ദേശീയ ഫഌഗ് കോഡില്‍ നിഷ്‌കര്‍ഷിക്കുന്ന രീതിയില്‍ ദേശീയ പതാക ഉപയോഗിക്കുന്നതിനും കൈകാര്യം ചെയ്യുന്നതിനും എല്ലാ വകുപ്പ് മേധാവികളും ബന്ധപ്പെട്ട ഉദ്യോഗസ്ഥരും ശ്രദ്ധ പുലര്‍ത്തണമെന്നും ഉത്തരവില്‍ പറയുന്നു.
കമ്പിളി, പരുത്തി, ഖാദി, സില്‍ക്ക് എന്നിവ ഉപയോഗിച്ച് കൈകൊണ്ടു നെയ്ത പതാകകള്‍ ഉപയോഗിക്കണമെന്നാണ് ദേശീയ ഫഌഗ് കോഡില്‍ നിഷ്‌കര്‍ഷിച്ചിരിക്കുന്നത്.