സംസ്ഥാനത്തിനകത്ത് അലഞ്ഞു തിരിയുന്ന മനോരോഗികളെ കാണാതാകുന്നത് നിത്യ സംഭവമാകുന്നു. നിരവധി മനോരോഗികളാണ് ഓരോ ദിവസവും സംസ്ഥാനത്തെത്തുന്നത്. ഇവര്‍ ഏതു നാട്ടുകാരാണെന്നോ എന്തിനാണെന്നോ എങ്ങോട്ട് പോകുന്നുവെന്നോ ആര്‍ക്കുമറിയില്ല. മനോരോഗികളുടെ എണ്ണവും തിട്ടമല്ല. സംസ്ഥാന പോലീസിനോ ആരോഗ്യവകുപ്പിനോ യാതൊരു നിഗമനവും ഇതു സംബന്ധിച്ചില്ല.
കേരളത്തിലെത്തുന്ന മനോരോഗികള്‍ എങ്ങനെയാണ് കാണാതാകുന്നതെന്നും ആര്‍ക്കുമറിയില്ല. മനോരോഗികളെ കേന്ദ്രീകരിച്ച് ഒരു മാഫിയ സംസ്ഥാനത്ത് പ്രവര്‍ത്തിക്കുന്നുണ്ടെന്ന് സ്ഥിരീകരിക്കാത്ത റിപ്പോര്‍ട്ടുകളുണ്ട്. ഇവര്‍ മനോരോഗികളുടെ വൃക്കകളും കരളും തുടങ്ങിയ അവയവങ്ങള്‍ രഹസ്യമായി എടുത്ത് വില്‍പ്പന നടത്തുന്നതായാണ് സംശയം, റോഡ് വക്കില്‍ അലഞ്ഞു തിരിയുന്നവരെ കാണാതായാല്‍ ആര്‍ക്കും പരാതിയില്ല. കാരണം ഇവര്‍ക്ക് ഉറ്റവരും ഉടയവരുമില്ല സര്‍ക്കാരിന്റെ കൈയിലാണെങ്കില്‍ കണക്കുമില്ല.
സ്വകാര്യ ആശുപത്രികള്‍ കേന്ദ്രീകരിച്ചാണ് മനോരോഗികളുടെ അവയവങ്ങളുടെ മോഷണം നടക്കുന്നത്, അലഞ്ഞു തിരിയുന്ന മനോരോഗികളെ രഹസ്യ കേന്ദ്രങ്ങളിലെത്തിച്ച് നല്ല ഭക്ഷണം നല്‍കി വൃക്കയും കരളും അടിച്ചു മാറ്റുന്ന പ്രവണതയാണ് കണ്ടു വരുന്നത്. അതീവ രഹസ്യമായി പ്രവര്‍ത്തക്കുന്നത് മാഫിയകളാണ്. മനോരോഗികളുടെ അവയവങ്ങള്‍ സ്വീകരിക്കുന്നവരില്‍ നിന്നും ഇവര്‍ ലക്ഷങ്ങള്‍ ഈടാക്കാറാണ് പതിവ്.
കുറച്ചു കാലം മുമ്പ് വൃക്ക വാണിഭം കേരളത്തില്‍ വലിയ വാര്‍ത്തയായിരുന്നു. തുടര്‍ന്നാണ് സര്‍ക്കാര്‍ തലത്തില്‍ മൃതസഞ്ജീവനിയുടെ പ്രവര്‍ത്തനം തുടങ്ങിയത്. എന്നാല്‍ ഇത്തരം പരിശ്രമങ്ങള്‍ സമൂഹത്തിന്റെ ഒരു തലത്തില്‍ മാത്രമാണെത്തുന്നത്. അവയവമാറ്റ ശസ്ത്രക്രിയയിലുള്ള നിയമപരമായ നൂലാമാലകള്‍ കൂടുതല്‍ നിയമകുരുക്കിലേക്ക് നയിക്കുന്നു. കറങ്ങി നടക്കുന്നവരെ മാഫിയ നോട്ടമിടും വണ്ടിയില്‍ കയറ്റിക്കൊണ്ടുപോയി സങ്കേതങ്ങള്‍ പാര്‍പ്പിക്കാറാണ് പതിവ്. അയവങ്ങള്‍ എടുത്ത് കഴിഞ്ഞാല്‍ നോര്‍ത്ത് ഇന്ത്യയിലേക്കുള്ള ട്രെയിനില്‍ കയറ്റിവിടുന്നതും ഇപ്പോള്‍ പതിവാണ്. ഇല്ലെങ്കില്‍ തമിഴ് ലോറികളില്‍ കയറ്റിവിടും. ഏതായാലും വിഷയം പോലീസിന്റെ ശ്രദ്ധയില്‍പ്പെട്ടിട്ടുണ്ട്. കുട്ടികളെ തട്ടുന്ന സംഘങ്ങളും കേരളത്തില്‍ പിടിമുറുക്കിയതായാണ് വിവരം.