പണം കൈമാറിയെന്ന സരിതയുടെ മൊഴി ശരിവച്ചു ബിജു രാധാകൃഷ്ണന്‍
മുന്‍ മുഖ്യമന്ത്രി ഉമ്മന്‍ ചാണ്ടിക്ക് ഡല്‍ഹിയില്‍ വച്ച് പണം കൈമാറിയെന്ന സരിത എസ്. നായരുടെ മൊഴി ശരിവച്ചു ബിജു രാധാകൃഷ്ണന്‍. സോളാര്‍ കമ്മീഷനു മുന്നിലാണ് ബിജു സരിതയുടെ മൊഴി ശരിവച്ചത്. ഉമ്മന്‍ ചാണ്ടിയെ ഡല്‍ഹിയില്‍ സഹായിച്ചിരുന്ന തോമസ് കുരുവിളയ്ക്കാണു പണം കൈമാറിയത്. പണം സംഘടിപ്പിച്ച് നല്‍കിയതു താനാണ്.
പണം കൈമാറിയ വിവരം അപ്പോള്‍ത്തന്നെ അറിയിച്ചിരുന്നുവെന്നും ബിജു പറഞ്ഞു.ഉമ്മന്‍ ചാണ്ടിയുടെ പേഴ്‌സണല്‍ സ്റ്റാഫംഗമായിരുന്ന ജിക്കുമോനാണു പണം ആവശ്യപ്പെട്ടത്. മുന്‍ എംഎല്‍എ പി.സി. വിഷ്ണുനാഥിനും പണം നല്‍കിയിട്ടുണ്‌ടെന്നും ബിജു പറഞ്ഞു.
ജനപ്രതിനിധികള്‍ക്കായി തിരുവനന്തപുരത്ത് നക്ഷത്രവേശ്യാലയം പ്രവര്‍ത്തിച്ചിരുന്നു. പല പ്രമുഖര്‍ക്കും ഇതില്‍ പങ്കാളിത്തം ഉണ്ടായിരുന്നതായി ബിജു വെളിപ്പെടുത്തി.ഉമ്മന്‍ ചാണ്ടിയുടെ ഉള്‍പ്പെടെയുള്ള അഭിഭാഷകരുടെ ചോദ്യങ്ങള്‍ക്കാണു ബിജു മറുപടി നല്‍കിയത്.
https://www.facebook.com/Malayalivartha
