വി.എസ്‌. അച്യുതാനന്ദന്‍ പ്രതിയായ ഭൂമിദാനക്കേസ്‌ പരിഗണിക്കുന്നത്‌ ഹൈക്കോടതിയും സുപ്രീംകോടതിയും മാറ്റിവെച്ചു. വി.എസിന്‌ അനുകൂലമായ സിംഗിള്‍ ബെഞ്ച്‌ വിധിക്കെതിരെ ഡിവിഷന്‍ ബഞ്ചിന്‌ സര്‍ക്കാര്‍ നല്‍കിയ അപ്പീല്‍ പരിഗണിച്ചാണ്‌ ഹൈക്കോടതി മാറ്റിയത്‌.  എഫ്‌.ഐ.ആര്‍ റദ്ദാക്കണമെന്നാവശ്യപ്പെട്ട്‌ വി.എസിന്റെ ബന്ധു ടി.കെ.സോമനും, വി.എസിന്റെ പി.എ. സുരേഷ്‌ കുമാറും സമര്‍പ്പിച്ച ഹര്‍ജിയിലാണ്‌ സുപ്രീം കോടതി മൂന്നാഴ്‌ചത്തേക്ക്‌ മാറ്റിയത്‌. രേഖകള്‍ ഹാജരാക്കാന്‍ സര്‍ക്കാര്‍ കൂടുതല്‍ സമയം ആവശ്യപ്പെട്ടതിന്റെ അടിസ്ഥാനത്തിലാണ്‌ ഇത്‌.