ഇഷ്ടപ്രണയിനിക്ക് താലി ചാര്‍ത്തേണ്ടതിനു പകരം വിഷം കുടിക്കാന്‍ നല്‍കുന്ന പ്രണയത്തിന്റെ ലോജിക്ക്.പ്രണയിക്കാനും ഒളിച്ചോടാനും കാണിക്കുന്നതിന്റെ പകുതി ധൈര്യമെങ്കിലും ഒന്നിച്ച് ജീവിക്കാന്‍ കാണിച്ചിരുന്നെങ്കില്‍. കമിതാക്കളെ പഴനിയിലെ ലോഡ്ജില്‍ മരിച്ച നിലയില്‍ കണ്ടെത്തി. മാണിക്യപ്പാലം ഇളയങ്കാവില്‍ ബാലകൃഷ്ണന്റെ മകളും എടപ്പാള്‍ കമ്യൂണിറ്റി ഹെല്‍ത്ത് സെന്ററിലെ ഫാര്‍മസിസ്റ്റുമായ ഭാഗ്യത (31), ഗുരുവായൂര്‍ മറ്റം നമ്പഴിക്കാട് സ്വദേശി വടുതല വീട്ടില്‍ ബാലകൃഷ്ണന്റെ മകനും വട്ടംകുളം പ്രാഥമികാരോഗ്യ കേന്ദ്രത്തിലെ ക്ലാര്‍ക്കുമായ നിഖില്‍ (30) എന്നിവരാണ് ആത്മഹത്യ ചെയ്തത്. പഴനിയിലെ ലോഡ്ജില്‍ തൂങ്ങിമരിച്ച നിലയില്‍ ഇവരെ കണ്ടെത്തുകയായിരുന്നു.
ഭാഗ്യത വിവാഹിതയും നിഖില്‍ അവിവാഹിതനുമാണ്. ജിതീഷാണ് ഭാഗ്യതയുടെ ഭര്‍ത്താവ്. എട്ടുവര്‍ഷംമുന്‍പാണ് ഇവര്‍ വിവാഹിതരായത്. നേരത്തെ ഗള്‍ഫിലായിരുന്നു ജിതീഷ്. ഇവര്‍ക്ക് കുട്ടികളില്ല. തിങ്കളാഴ്ചയാണ് രണ്ടുപേരും പഴനി അടിവാരത്തിലെ സ്വകാര്യലോഡ്ജില്‍ ഉച്ചയ്ക്ക് 2.30ന് മുറിയെടുത്തത്. ചൊവ്വാഴ്ച കാലത്ത് തൊഴുതുവന്നശേഷം ഉച്ചതിരിഞ്ഞിട്ടും മുറി തുറക്കാത്തതില്‍ സംശയംതോന്നി ലോഡ്ജ് ജീവനക്കാര്‍ ജനല്‍ തുറന്നുനോക്കിയപ്പോഴാണ് രണ്ടുപേരെയും ജനലഴിയില്‍ തൂങ്ങിമരിച്ചനിലയില്‍ കണ്ടത്. മുറിയില്‍നിന്ന് വിവാഹത്തിന് ചാര്‍ത്തുന്ന മാലകളും താലിമാലയും കണ്ടെത്തിയതായി പൊലീസ് പറഞ്ഞു. ഭാഗ്യതയെ കാണാനില്ലെന്ന് ഭര്‍ത്താവ് ജിതീഷ് പൊന്നാനി പൊലീസ്സ്‌റ്റേഷനില്‍ പരാതി നല്‍കിയിരുന്നു.
കഴിഞ്ഞ ദിവസം രാവിലെ മലപ്പുറത്ത് ആരോഗ്യ വകുപ്പിന്റെ മീറ്റിങ്ങില്‍ പങ്കെടുക്കാനുണ്ടെന്നു പറഞ്ഞ് വീട്ടില്‍ നിന്നിറങ്ങിയ ഭാഗ്യത രാത്രിയായിട്ടും തിരിച്ചെത്താതെവന്നതിനെ തുടര്‍ന്ന് ബന്ധുക്കള്‍ അന്വേഷണം നടത്തിയെങ്കിലും കണ്ടെത്താനായിരുന്നില്ല. ഇതിനിടെയാണ് മരിച്ചതായി വിവരം ലഭിച്ചത്. പഴനി എസ്‌ഐ നാഥന്റെ നേതൃത്വത്തില്‍ ഇന്‍ക്വസ്റ്റ് നടത്തുന്ന മൃതദേഹം പോസ്റ്റ്‌മോര്‍ട്ടത്തിനു ശേഷം വൈകിട്ടോടെ നാട്ടിലെത്തിക്കും. വിവരമറിഞ്ഞ് പൊന്നാനി, ഗുരുവായൂര്‍ പെ!ാലീസും ഇരുവരുടെയും ബന്ധുക്കളും പഴനിയിലേക്ക് തിരിച്ചിട്ടുണ്ട്.