ഐഎഎസ് ഉദ്യോഗസ്ഥര്‍ ഔദ്യോഗികവാഹനത്തിലെ കൊടി മാറ്റണമെന്ന് ടോമിന്‍തച്ചങ്കരി
വക്കീല്‍ പത്രക്കാര്‍ അങ്കത്തിന് ശേഷം അടുത്ത അങ്കം നടക്കാന്‍ പോകുന്നത് ഐഎസ് ഐപിഎസ് ഉദ്യോഗസ്ഥര്‍ തമ്മില്‍. അതും കൊടിയെച്ചൊല്ലി. എ.എ.എസ് ഉദ്യോഗസ്ഥര്‍ കാറിലെ കൊടി മാറ്റണമെന്ന നിര്‍ദേശത്തില്‍ ഉറച്ചുനില്‍ക്കുന്നുവെന്ന് ഗതാഗതകമ്മീഷണര്‍ ടോമിന്‍തച്ചങ്കരി. ഇതിനെതിരെ എന്ത് എതിര്‍പ്പ് ഉയര്‍ത്തിയിട്ടും കാര്യമില്ലെന്നും തച്ചങ്കരി പറഞ്ഞു.ഇതിനിടെ ഹൈക്കോടതിയിലെ ഗവണ്‍മെന്റ് പ്ലീഡര്‍മാരടക്കമുള്ള ജുഡീഷ്യല്‍ ഓഫീസര്‍മാര്‍ കാറില്‍ വച്ചിട്ടുള്ള അധികൃത ബോര്‍ഡുകള്‍ നീക്കം ചെയ്യണമെന്ന് ആവശ്യപ്പെട്ട് തച്ചങ്കരി അഡ്വക്കേറ്റ് ജനറലിന് കത്ത് നല്‍കി. കൊടി മാറ്റണമെന്ന ഗതാഗത കമ്മീഷണറുടെ നിര്‍ദേശം അംഗീകരിക്കാനാകില്ലെന്നാണ് ഒരുവിഭാഗം െഎ.എ.എസ് ഉദ്യോഗസ്ഥരുടെ നിലപാട്. പാലിക്കണമെങ്കില്‍ സര്‍ക്കാര്‍ പ്രത്യേക ഉത്തരവിറക്കട്ടെയെന്നും ഇവര്‍ പറയുന്നു.ആദ്യം നിയമവശങ്ങള്‍ പരിശോധിക്കട്ടെ എന്നിട്ട് വനംവകുപ്പില്‍ തീരുമാനം നടപ്പാക്കാമെന്നായിരുന്നു ചീഫ് കണ്‍സര്‍വേറ്റര്‍ ഓഫ് ഫോറസ്റ്റ് ബി.എസ് കോറിയുടെ പ്രതികരണം.ഇത് ശ്രദ്ധയില്‍പെടുത്തിയപ്പോഴായിരുന്നു തച്ചങ്കരിയുടെ മറുപടി. ഗവണ്‍മെന്റ് പ്ലീഡര്‍മാരില്‍ പലരും ഹൈക്കോര്‍ട്ട് ,കേരള സ്‌റ്റേറ്റ് ബോര്‍ഡുകള്‍ വച്ചിട്ടുള്ളതായി ശ്രദ്ധയില്‍പെട്ടിട്ടുണ്ട്.ചുരുക്കം ചിലര്‍ ബീക്കണ്‍ലൈറ്റും.ഇത്തരം ബോര്‍ഡുകള്‍ ഒഴിവാക്കണമെന്ന് ആവശ്യപ്പെട്ട് അഡ്വക്കേറ്റ് ജനറലിന് നിര്‍ദേശം നല്‍കിയ കമ്മീഷണര്‍ കാറില്‍ വയ്ക്കാവുന്ന ബോര്‍ഡിന്റ മാതൃകയും കൈമാറി.ബോര്‍ഡിന്റ വലിപ്പം,നിറം,അക്ഷരങ്ങളുടെ കനം എന്നിവയും ഇതില്‍ രേഖപ്പെടുത്തിയിട്ടുണ്ട്. ഗതാഗതകമ്മീഷണറുടെ നിര്‍ദേശത്തിനെതിരെ എതിര്‍പ്പുയര്‍ന്നതോടെ മുഖ്യമന്ത്രിയുടേയും വകുപ്പ് മന്ത്രിമാരുടേയും നിലപാടായിരിക്കും ഇക്കാര്യത്തില്‍ നിര്‍ണായകമാവുക
https://www.facebook.com/Malayalivartha
