മുത്തച്ഛന്മാര്‍ക്കും മുത്തശ്ശിമാര്‍ക്കും ഫ്രീയായി സിനിമ കാണാം
വൃദ്ധസദനങ്ങളിലുള്ള മുത്തച്ഛന്മാര്‍ക്കും മുത്തശ്ശിമാര്‍ക്കും 'ഒരു മുത്തശ്ശി ഗദ' കാണാന്‍ അവസരമൊരുക്കുകയാണ് ചിത്രത്തിന്റെ സംവിധായകന്‍ ജൂഡ് ആന്റണിയും സഹപ്രവര്‍ത്തകരും.വൃദ്ധസദനത്തിലെ സംഘാടകരോ നല്ല മനസ്സുള്ളവരോ ഇവരെ അടുത്തുള്ള തിയറ്ററുകളില്‍ എത്തിച്ചാല്‍ മാത്രം മതിയെന്നാണ് ജൂഡ് പറയുന്നത്.ജീവിതത്തില്‍ പ്രതീക്ഷകളില്ലാതെ ജീവിക്കുന്ന വൃദ്ധസദനങ്ങളില്‍ കഴിയുന്നവര്‍ക്ക് ഒരു പുഞ്ചിരി നല്‍കാന്‍ ഈ അവസരത്തിലൂടെ കഴിയുമെന്ന് ജൂഡ് പറയുന്നു.
സിനിമ കാണാന്‍ അവരവരുടെ സ്ഥലവും ഫോണ്‍ നമ്പറും ഉള്‍പ്പെടുത്തി മുത്തശ്ശി ഗദ സിനിമയുടെ ഔദ്യോഗിക ഫേസ്ബുക്ക് പേജില്‍ കമന്റായി പോസ്റ്റ് ചെയ്താല്‍ മതി.സിനിമയുടെ റിലീസിനോട് അനുബന്ധിച്ച് വൃദ്ധസദനങ്ങളില്‍ സിനിമയുടെ അണിയറപ്രവര്‍ത്തകര്‍ സന്ദര്‍ശനം നടത്തിയിരുന്നു. വൃദ്ധസദനങ്ങളില്‍ താമസിക്കുന്നവരുടെ സ്വപ്നങ്ങള്‍ സാക്ഷാത്ക്കരിക്കുകയാണ് ഇവരുടെ ലക്ഷ്യം.
https://www.facebook.com/Malayalivartha
