ഇന്ത്യയുടെ വിവിധ സംസ്ഥാനങ്ങളിലെ മെഡിക്കല്‍ കോളേജുകളില്‍ എംബിബിഎസിനും എംഡിക്കും പഠിക്കുന്ന മലയാളി രക്ഷകര്‍ത്താക്കള്‍ ഉടന്‍ ആദായനികുതി വകുപ്പിന്റെ നോട്ടീസ് പ്രതീക്ഷിക്കുക. കാരണം 90 ലക്ഷം രൂപ തലവരി പണം കൊടുത്ത് കുട്ടികളെ പഠിപ്പിക്കാന്‍ എവിടെ നിന്ന് പണം കിട്ടിയെന്ന് അവര്‍ വിശദമാക്കേണ്ടി വരും. കള്ളപണം കണ്ടെത്താനുള്ള കേന്ദ്ര സര്‍ക്കാരിന്റെ തീവ്രശ്രമങ്ങളുടെ ഭാഗമായാണ് മെഡിക്കല്‍ സീറ്റുകളിലേയ്ക്ക് പരിശോധന വ്യാപിപ്പിച്ചിരിക്കുന്നത്. സംസ്ഥാനത്തിനകത്തും സ്വകാര്യ മെഡിക്കല്‍ കോളേജുകളില്‍ പ്രവേശനം നേടണമെങ്കില്‍ 90 ലക്ഷം രൂപ വരെ തലവരിപണം നല്‍കേണ്ടതുണ്ട്.
ആദായനികുതി വകുപ്പ് നികുതിവെട്ടിപ്പിന്റെ കാര്യത്തില്‍ അതിശക്തമായ നടപടികളാണ് സ്വീകരിക്കുന്നത്. കേരളത്തിലെ മുത്തൂറ്റ് ശൃംഖലയില്‍ നടന്ന ആദായ നികുതി പരിശോധന കള്ളപണക്കാരെ കണ്ടെത്താനുള്ള ഡ്രൈവിന്റെ ഭാഗമായിരുന്നു, എണ്‍പതോളം അക്കൗണ്ടുകള്‍ക്ക് നാഥനില്ലെന്നാണ് ആദായ നികുതി വകുപ്പ് മനസ്സിലാക്കുന്നത്. സംസ്ഥാനത്തെ പല ഉന്നത നേതാക്കളുടെയും ബിനാമി അക്കൗണ്ടുകളാണ് ഇവയെന്ന് മനസിലാക്കിയതായി ആദായ നികുതി വൃത്തങ്ങള്‍ സൂചിപ്പിച്ചു.
90 ലക്ഷം തലവരി നല്‍കാന്‍ പണമുള്ളവരുടെ വരുമാനമാണ് ആദായ നികുതി വകുപ്പ് പരിശോധിക്കുന്നത്. രക്ഷകര്‍ത്താക്കള്‍ വരുമാനം കുറച്ചു കാണിച്ച് നികുതി അടയ്ക്കാതിരിക്കുന്നു എന്നാണ് വകുപ്പിന്റെ നിരീക്ഷണം
ആന്ധ്രയിലെ വിവിധ ജില്ലകളിലുള്ള മെഡിക്കല്‍ കോളേജില്‍ പ്രവേശനം നേടിയവരുടെ വിശദാംശങ്ങളാണ് ആദായ നികുതി വകുപ്പ് ആദ്യം ശേഖരിക്കുന്നത്. ഇതിനി ചിലര്‍ ബിപിഎല്‍ ലിസ്റ്റിലുള്ളവരാണെന്നും കേള്‍ക്കുന്നു. വരുമാനം പുറത്തു പറയാത്തവര്‍ അബദ്ധത്തില്‍ ചാടാന്‍ പോകുന്നതിന്റെ സൂചനകളാണ് തെളിഞ്ഞു വരുന്നത്.