ആധാര്‍ ഉപയോഗിച്ച് ഭീകരരെയും കള്ളപ്പണക്കാരെയും കണ്ടെത്താം
ആധാര്‍ തിരിച്ചറിയല്‍ രേഖ ഉപയോഗിച്ച് ഭീകരരെയും കള്ളപ്പണക്കാരെയും കണ്ടെത്താന്‍ കഴിയുമെന്ന് യൂണീക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ സിഇഒ ഭുഷാന്‍ പാണ്ഡെ. ആധാര്‍ സുരക്ഷിതമാണ്. റേഷന്‍ കാര്‍ഡ്, വോട്ടര്‍ ഐഡി കാര്‍ഡ് എന്നീ തിരിച്ചറിയല്‍ രേഖകളുടെ വ്യാജപ്പകര്‍പ്പുകള്‍ ഉണ്ടാക്കുന്നതിലും പ്രായസകരമാണ് ക്രിമിനലുകള്‍ക്ക് ആധാര്‍ വ്യാജമായി നിര്‍മിക്കുവാനെന്നും അദ്ദേഹം പറഞ്ഞു.
ആധാര്‍ വിവരങ്ങള്‍ ചോരുന്നതായുള്ള റിപ്പോര്‍ട്ടുകള്‍ക്കു പിന്നാലെയാണ് സിഇഒ പ്രസ്താവനയുമായി രംഗത്തെത്തിയത്. ബയോമെട്രിക് വിവരങ്ങള്‍ കൂടുതല്‍ വിശ്വാസയോഗ്യമാണ്. ഒരിക്കല്‍ വ്യാജ ആധാര്‍ ഒരാള്‍ ഉണ്ടാക്കിയാല്‍ അയാള്‍ ജീവിതകാലം മുഴുവന്‍ അതില്‍ കുടുങ്ങിക്കിടക്കുമെന്നും അദ്ദേഹം ചൂണ്ടിക്കാട്ടി. ആധാര്‍ ഉപയോഗിച്ച് ബാങ്ക് അക്കൗണ്ട് തുറന്നൊരാള്‍ ക്രിമിനല്‍ കുറ്റകൃത്യത്തിലും ഭീകരപ്രവര്‍ത്തനത്തിലും ഏര്‍പ്പെട്ടാല്‍ ഇയാളെ കണ്ടെത്താന്‍ അന്വേഷണ ഏജന്‍സികള്‍ക്ക് വളരെ എളുപ്പം സാധിക്കും. ആധാര്‍ വ്യക്തികളുടെ സ്വകാര്യത നശിപ്പിക്കുമെന്ന വാദം തെറ്റായതും തെറ്റിദ്ധരിപ്പിക്കുന്നതുമാണെന്നും ഭുഷാന്‍ പാണ്ഡെ കൂട്ടിച്ചേര്‍ത്തു.
https://www.facebook.com/Malayalivartha
