കണ്ണൂരില്‍ രാഷ്ട്രീയ കൊലപാതകത്തില്‍ സിപിഎം പ്രവര്‍ത്തകര്‍ ആഹ്ലാദിക്കുന്നു എന്ന തരത്തില്‍ വീഡിയോ ഇട്ട കുമ്മനത്തിനെതിരെ കേസെടുക്കുമെന്ന് മുഖ്യമന്ത്രി. ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍ ഫെയ്‌സ്ബുക്കില്‍ പ്രചരിപ്പിച്ച വീഡിയോ വ്യാജമാണെങ്കില്‍ കുമ്മനത്തിനെതിരെ കേസെടുക്കേണ്ടിവരുമെന്ന് മുഖ്യമന്ത്രി പിണറായി വിജയന്‍ പറഞ്ഞു. കുമ്മനത്തിന്റെ ഫെയിസ്ബുക്ക് പോസ്റ്റ് വസ്തുതാവിരുദ്ധമാണ്. എവിടെയാണ് ആഹ്ലാദ പ്രകടനം നടത്തിയതെന്ന് വിഡിയോയില്‍ വ്യക്തമല്ല.

സംസ്ഥാനത്തെ രാഷ്ട്രീയ കൊലപാതകങ്ങള്‍ക്ക് അറുതി വരുത്തണം. ഈ കൊലപാതകം ഒറ്റപ്പെട്ട സംഭവമാണ്. പയ്യന്നൂര്‍ കൊലപാതം അപലപനീയവും ദൗര്‍ഭ്യാഗ്യകരവുമാണ്. സിപിഎം പ്രവര്‍ത്തകരാണ് കൊലപാതകത്തിന് പിന്നില്‍ എന്നാണ് പൊലീസിന് കിട്ടിയ മൊഴി. എന്നാല്‍ അക്രമത്തില്‍ പങ്കില്ലെന്ന് ലോക്കല്‍ കമ്മിറ്റി വ്യക്തമാക്കി കഴിഞ്ഞു. രാഷ്ട്രീയ കൊലപാതകങ്ങള്‍ തടയാന്‍ എല്ലാ കക്ഷികള്‍ക്കും ബാധ്യതുണ്ട്. കുറ്റവാളികളെ നിയമത്തിന് മുന്നില്‍ കൊണ്ട് വരും കര്‍ശനമായ നടപടി സ്വീകരിക്കും, ഗവര്‍ണ്ണറെ ബിജെപി ഭീഷണിപ്പെടുത്തുകയാണ്. ഗവര്‍ണ്ണര്‍ നിറവേറ്റിയത് ഭരണഘടനാ ചുമതലയാണ്. ഗവര്‍ണ്ണറെ അക്രമിക്കുന്ന ബിജെപിയുടെ നയം ഫാസിസ്റ്റ് നയമാണ് മുഖ്യമന്ത്രി പറഞ്ഞു. കണ്ണൂരില്‍ സായുധ സേന പ്രത്യേക അധികാര നിമയം കൊണ്ടു വരുന്നതിനോട് യോജിപ്പില്ലയെന്നും അദ്ദേഹം പറഞ്ഞു.