തക്കസമയത്ത് അവസരോചിതമായി പ്രവര്‍ത്തിച്ച കെ എസ് ആര്‍ ടി സി ബസ് കണ്ടക്ടര്‍ക്കും െ്രെഡവര്‍ക്കും വകുപ്പ് മന്ത്രിയുടെ ആദ്യ ശമ്പളത്തില്‍ നിന്ന് 50,000 രൂപ പരിതോഷികം. ശനിയാഴ്ച രാത്രി 10 മണിയോടെയായിരുന്നു സംഭവം. ചങ്ങനശ്ശേരിയിലേയ്ക്കു പുറപ്പെട്ട ബസില്‍ മൂവാറ്റുപുഴയില്‍ നിന്നു കയറിയ നാലു വയസുകാരി അപസ്മാര ലക്ഷണം കാണിച്ചു. ടാക്‌സി പിടിച്ച് ആശുപത്രിയില്‍ കൊണ്ട് പോകാനുള്ള മാര്‍ഗമില്ലെന്നു മനസിലായതിനെ തുടര്‍ന്നു ബസ് ജീവനക്കാര്‍ കുട്ടിയെ ആശുപത്രിയില്‍ എത്തിച്ചു. 

ഇതിനെ തുടര്‍ന്നു ചങ്ങനാശ്ശേരി ഡിപ്പോയിലെ കണ്ടക്ടറും െ്രെഡവറുമായ ബിനു അപ്പുക്കുട്ടനും, കെ വി വിനോദ് കുമാറിനും തന്റെ മന്ത്രി പദവിയില്‍ നിന്നു ലഭിക്കുന്ന ആദ്യ ശമ്പളത്തില്‍ നിന്ന് 25,000 രൂപ നല്‍കാന്‍ തീരുമാനിച്ചതായി ഗതാഗത വകുപ്പ് മന്ത്രി തോമസ് ചാണ്ടി പറഞ്ഞു. ബസ് ജീവനക്കാരെ മന്ത്രി നേരിട്ടു വിളിച്ച് അഭിനന്ദിക്കുകയും പരിതോഷികം പ്രഖ്യാപിച്ചത് അറിയിക്കുകയും ചെയ്തു. 

ഓരോ കെ എസ് ആര്‍ ടി സി ജീവനക്കാരനും ഇതുപോലെ തങ്ങളുടെ യാത്രക്കാരോട് പെരുമാറാന്‍ പ്രേരണയായി ഇതു മാറണം. ഗതാഗത വകുപ്പ് ജനങ്ങള്‍ക്കാകെ നല്ല സേവനം നല്‍കുന്നതോടെ പൊതുഗതാഗതം കൂടുതല്‍ ജനകീയമാകുമെന്നും മന്ത്രി പറഞ്ഞു.