മുന്‍ പ്രധാനമന്ത്രി രാജീവ് ഗാന്ധിയുടെ രക്തസാക്ഷിത്വ ദിന സ്മരണയില്‍ രാജ്യം. രാജീവ് ഗാന്ധിയുടെ സമാധി സ്ഥലമായ വീര്‍ഭൂമിയില്‍ നടന്ന ചടങ്ങില്‍ രാഷ്ട്രപതി പ്രണബ് മുഖര്‍ജി, കോണ്‍ഗ്രസ് അധ്യക്ഷ സോണിയ ഗാന്ധി, രാഹുല്‍ ഗാന്ധി, പ്രിയങ്ക ഗാന്ധി, മുന്‍ പ്രധാനമന്ത്രി മന്‍മോഹന്‍ സിംഗ് തുടങ്ങിയവര്‍ പുഷ്പാഞ്ജലി അര്‍പ്പിച്ചു.

1991മെയ് ഇരുപത്തൊന്നിനാണ് തമിഴ്‌നാട്ടിലെ ശ്രീപെരുമ്പത്തൂരില്‍ തിരഞ്ഞെടുപ്പ് പ്രചാരണ സമ്മേളനത്തില്‍വച്ച് ബോംബ് സ്‌ഫോടനത്തില്‍ രാജീവ് ഗാന്ധി കൊല്ലപ്പെട്ടത്. പാര്‍ലമെന്റിലും നിയമസഭകളിലും 33 ശതമാനം വനിത സംവരണം ആവശ്യപ്പെടുന്ന ബില്‍ ലോക്‌സഭയില്‍ പാസാക്കണമെന്നാവശ്യപ്പെട്ടു കോണ്‍ഗ്രസിന്റെ ഒപ്പുശേഖരണ ക്യാംപെയിനും അനുസ്മരണത്തോട് അനുബന്ധിച്ച് സഘടിപ്പിച്ചു.