കത്തോലിക്കാ സഭയെ വീണ്ടും വിവാദത്തിലാക്കി ഇടവകയിലെ വീട്ടമ്മയുമായി വൈദികന്‍ ഒളിച്ചോടി. ഭര്‍ത്താവ് വിദേശത്തുള്ള രണ്ട് മക്കളുടെ അമ്മയായ വീട്ടമ്മയ്ക്കൊപ്പം മാള സെന്റ് സ്റാറലിനിയോസ് ഫൊറേനാ പള്ളി അസിസ്സ്റ്റന്റ് വികാരിയായിരുന്ന ഫാദര്‍ സെബി വിതയത്തില്‍ ആണ് ഒളിയിച്ചോടിയത്. പള്ളിയില്‍ മൂന്ന് വര്‍ഷത്തോളം അസ്സിറ്റന്റ് വികാരിയായ് പ്രവര്‍ത്തിച്ചിരുന്നപ്പോഴാണ് ഫാദര്‍ സെബി വിതയത്തിലും വീട്ടമ്മയായ യുവതിയും തമ്മില്‍ പ്രണയത്തിലായത്.

ഇരുവരുടേയും വഴിവിട്ട ബന്ധം ശ്രദ്ധയില്‍പെട്ട വീട്ടുകാരും പള്ളിയിലെ വികാരിയും ഇരുകൂട്ടരേയും പിന്തിരിപ്പിക്കാന്‍ ആവുന്നത് ശ്രമിച്ചെങ്കിലും വിലക്കുകളെ അതിജീവിച്ച് പ്രണയം തുടരുകയായിരുന്നു. ഖത്തറില്‍ ജോലി ചെയ്യുന്ന ഭര്‍ത്താവ് പലവട്ടം ഇവരുടെ ബന്ധത്തെകുറിച്ച് സഭയിലെ ഉന്നതരെ ധരിപ്പിച്ചില്ലെങ്കിലും അവരാരും ഇടപ്പെട്ടില്ലെന്നാണ് ഇടവടയിലെ വിശ്വാസികള്‍ ആരോപിക്കുന്നത്. .

രണ്ടരമാസം മുമ്പ് പള്ളിയില്‍ നിന്നും ഫാദര്‍ സെബിയെ സ്ഥലം മാറ്റിയെങ്കിലും യുവതിയുമായുള്ള ബന്ധത്തിനു മാത്രം ഒരു മാറ്റവുമുണ്ടായില്ല. ഫാദര്‍ സെബിയെ പിരിയാനാവില്ലെന്ന് മനസിലായതോടെ വീട്ടമ്മയായ യുവതി അഞ്ചാം ക്ലാസിലും എട്ടാം ക്ലാസിലും പഠിക്കുന്ന മക്കളെ ഉപേക്ഷിച്ച് വീടുവിട്ടിറങ്ങി. യുവതിയെ കാണാനില്ലെന്ന് കാട്ടി ഭര്‍തൃ പിതാവ് മാള പൊലീസില്‍ പരാതി നല്‍കി. ക്രൈം നമ്പര്‍ 671/17ല്‍ കേരള പൊലീസ് ആക്ട് 57-ാം വകുപ്പ് പ്രകാരമാണ് പൊലീസ് കേസെടുത്തു.

അന്വേഷണത്തിന്റെ ഭാഗമായി പൊലീസ് വീട്ടമ്മയുമായി ബന്ധപ്പെട്ടപ്പോള്‍ ഹൈദ്രാബാദിലാണെന്നാണ് വീട്ടമ്മ പറഞ്ഞത്. സ്റ്റേഷനില്‍ ഹാജരാകാന്‍ പൊലീസ് ആവശ്യപ്പെട്ട പ്രകാരം മെയ് 20 ശനിയാഴ്ച യുവതി പൊലീസ് സ്റ്റേഷനില്‍ നേരിട്ട് ഹാജരായി. താന്‍ സ്വന്തം ഇഷ്ട പ്രകാരമാണ് വീട് വിട്ടിറങ്ങിയതെന്നും ഫാദര്‍ സെബിയോടൊപ്പം പോകാനാണ് തല്പര്യമെന്നും അറിയച്ചതിനെ തുടര്‍ന്ന് യുവതിയെ ചാലക്കുടി കോടതിയില്‍ ഹാജരാക്കി.

കോടതിയിലും ഫാദറിനൊപ്പം പോയാല്‍ മതിയെന്നാണ് യുവതി പറഞ്ഞത്. ഇതോടെ യുവതിയെ സ്വന്തം ഇഷ്ടത്തിനു വിടാന്‍ കോടതി ഉത്തരവിടുകയും ചെയ്തു. വീട്ടമ്മ ഫാദര്‍ സെബിക്കൊപ്പമാണ് ഇപ്പോഴുള്ളത്. വൈദിക വൃത്തി ഉപേക്ഷിച്ച് കാമുകിക്കൊപ്പം ഇറ്റലിയിലേക്ക് പോകാന്‍ ഒരുങ്ങുകയാണ് ഫാദര്‍ സെബി വിതയത്തില്‍. കത്തോലിക്കാ സഭയിലെ വൈദികര്‍ക്കെതിരെ ഇത്തരത്തിലുള്ള നിരവധി ആരോപണങ്ങളാണ് സംസ്ഥാനത്ത് വ്യാപകമായി ഉയരുന്നത്.

എന്നാല്‍ ഇക്കാര്യത്തില്‍ വേണ്ട ശ്രദ്ധ നല്‍കാന്‍ സഭാഅധികൃതര്‍ ശ്രമിക്കാത്തതാണ് ഇത്തരം സംഭവങ്ങള്‍ ആവര്‍ത്തിക്കുന്നത്. പുണ്യമായി കരുതുന്ന തിരുവസ്ത്രത്തെ അപമാനിക്കുന്ന തരത്തിലുള്ള പ്രവര്‍ത്തനങ്ങളാണ് പലവൈദികര്‍ക്കെതിരെയും ഭാഗത്തു നിന്നുമുണ്ടാകുന്നത്.