പോലീസുകാര് പെറ്റിക്കേസുകള്ക്ക് പിന്നാലെ പോകേണ്ട.. കേസുകള്ക്ക് പിന്നാലെ പോകുന്നത് സമയവും ഊര്ജ്ജവും നഷ്ടം
പോലീസുകാര് പെറ്റിക്കേസുകള്ക്ക് പിന്നാലെ പേകേണ്ടെന്ന് ഉത്തരമേഖ ഡിജിപി രാജേഷ് ധിവാന്. സര്ക്കുലറിലാണ് അദ്ദേഹം ഇക്കാര്യം വ്യക്തമാക്കിയിരിക്കുന്നത്. പെറ്റിക്കേസുകള്ക്ക് പിന്നാലെ പോകുന്നത് സമയവും ഊര്ജ്ജവും നശിപ്പിക്കുന്നതാണെന്നാണ് അദ്ദേഹം പറയുന്നത്. പെറ്റികേസ് അന്വേഷണം ശരിയായ പൊലീസ്ജോലിയല്ലെന്നും ധിവാന്. എസ്പിമാര്ക്ക് അയച്ചിരിക്കുന്ന സര്ക്കുലറിലാണ് രാജേഷ് ധിവാന് ഇക്കാര്യം വ്യക്തമാക്കിയിരിക്കുന്നത്. പെറ്റിക്കേസെടുത്ത് സമയം പാഴാക്കാതെ ക്രമസമാധാനത്തിലും കേസ് അന്വേഷണത്തിലും ഫലപ്രദമയ ഇടപടണമെന്നാണ് സര്ക്കുലറിലെ നിര്ദേശം. വാഹനപരിശോധന പൊലീസിന്റെ മാത്രം ഉത്തരവാദിത്വമല്ലെന്നും എക്സൈസിനും മോട്ടര്വാഹനവകുപ്പിനും ഇതിനു കഴിയുമെന്നും ഡിജിപിയുടെ സര്ക്കുലറില് പറയുന്നു.
രാജ്യത്ത് ഏറ്റവും കൂടുതല് കേസുകള് രജിസ്റ്റര് ചെയ്യുന്ന സംസ്ഥാനമാണ് കേരളം. കഴിഞ്ഞ വര്ഷം രജിസ്റ്റര് ചെയ്ത ആറരലക്ഷം കേസുകളില് നാലരലക്ഷവും പൊലീസ് സ്വമേധയ എടുത്തവയാണ്. പൊതുസ്ഥലത്ത് ബഹളമുണ്ടാക്കുക, ട്രാഫിക്ക് നിയമങ്ങള് ലംഘിച്ച് വാഹമോടിക്കുക എന്നിങ്ങനെ പിഴയൊടുക്കിവിടേണ്ട സംഭവങ്ങളില് എഫ്ഐആര് രജിസ്റ്റര് ചെയ്ത് പെറ്റിക്കേസാക്കിയിരുന്നു. ഈ രീതിയോട് ഉന്നത ഉദ്യോഗസ്ഥര്ക്കിടില് തന്നെ രണ്ടഭിപ്രായമാണ്. ഇതിനിടെയാണ് പെറ്റികേസ് അന്വേഷണത്തിന് പിന്നാലെ കൂടി സമയവും ഊര്ജ്ജവും കളയേണ്ടെന്ന് ഉത്തരമേഖല ഡിജിപി രാജേഷ് ധിവാന് പൊലീസുകാര്ക്ക് നിര്ദ്ദേശം നല്കിയിരിക്കുന്നത്.
കഴിഞ്ഞ വര്ഷം കണ്ണൂര്, തൃശൂര് റെയ്ഞ്ചില് രജിസ്റ്റര് ചെയ്ത ഒരു ലക്ഷം കേസില് ഭൂരിഭാഗവും സ്വമേധയാ എടുത്തകേസുകളാണ്. പിഴ നല്കേണ്ട വിടേണ്ടതിന് പകരം എഫ്ഐആര് രജിസ്റ്റര് ചെയ്ത് കോടതിയില് റിപ്പോര്ട്ട് സമര്പ്പിക്കുന്നു. കോടതിക്കും ജോലിഭാരം കൂടുന്നു. പലരും ഹാജരാക്കുന്ന തിരിച്ചറിയല് രേഖകള് വ്യാജമാണ്. വാറണ്ട് പുറപ്പെടുവിക്കുമ്ബോള് ഈ രേഖകള് വച്ച് പ്രതിയെ പിടിക്കാന് കഴിയുന്നില്ല.
https://www.facebook.com/Malayalivartha
