ആരാധകരുടെ കാത്തിരിപ്പിന് വിട. തെലുങ്ക് യുവനടന്‍ നാഗചൈതന്യയും തെന്നിന്ത്യന്‍ നടി സാമന്തയും തമ്മിലുള്ള വിവാഹത്തിന്റെ തീയതി തീരുമാനിച്ചു. ഒക്ടോബര്‍ ആറിനാണ് ഇരുവരുടെയും വിവാഹം നിശ്ചയിച്ചിരിക്കുന്നത്. ദീര്‍ഘകാലമായി ഇരുവരും പ്രണയത്തിലായിരുന്നു. നാളുകളായി ആരാധകര്‍ ഇവരുടെ വിവാഹത്തെപ്പറ്റി അറിയാന്‍ കാത്തിരിക്കുകയായിരുന്നു.

വിജയ് നായകനായി എത്തുന്ന വിജയ് 61, ഫഹദ് ഫാസില്‍, വിജയ് സേതുപതി എന്നിവര്‍ പ്രധാന വേഷത്തിലെത്തുന്ന അനീതി കതൈകള്‍ ശിവകാര്‍ത്തികേയന്‍ നായക വേഷത്തിലെത്തുന്ന പേരിട്ടിട്ടില്ലാത്ത ചിത്രം എന്നിങ്ങനെയാണ് സാമന്തയുടെ പുതിയ സിനിമകള്‍. മികച്ച കഥാപാത്രങ്ങള്‍ ലഭിച്ചാല്‍ വിവാഹശേഷവും അഭിനയിക്കുമെന്നാണ് താരം പറയുന്നത്.