ആധാറും പാൻ കാർഡും ബന്ധിപ്പിക്കുന്നത് ഇനി ഒരു എസ്.എം.എസ് അകലെ മാത്രം
ആധാറും പാന് കാര്ഡും തമ്മില് ബന്ധിപ്പിക്കുന്നതിന് ഇനി മൊബൈലില് നിന്നും ഒരു മെസേജ് അയച്ചാലും മതിയാകും. എസ്.എം.എസ് അയച്ച് ആധാര് കാര്ഡും പാന് കാര്ഡും ബന്ധിപ്പിക്കുന്നതിനുള്ള സംവിധാനം ആദായ നികുതി വകുപ്പ് തയ്യാറാക്കി. 567678, 56161 എന്നിവയില് ഏതെങ്കിലും ഒരു നമ്പറിലേക്ക് എസ്.എം.എസ് അയച്ചുകൊണ്ടാണ് ആധാറും പാന് കാര്ഡും തമ്മില് ബന്ധിപ്പിക്കാവുന്നത്.
നിലവില് ആദായ നികുതി വകുപ്പിന്റെ ഇഫയലിംഗ് വെബ്സൈറ്റ് വഴിയാണ് ആധാര് കാര്ഡും പാന് കാര്ഡും തമ്മില് ബന്ധിപ്പിക്കുന്നത്. അതിനായി ഇഫയലിംഗ് വെബ്സൈറ്റിന്റെ ഹോം പേജിലുള്ള നിര്ദ്ദിഷ്ട ലിങ്കില് ക്ലിക്ക് ചെയ്താല് മതിയാകും. തുടര്ന്ന് യു.ഐ.ഡി.എ.ഐയുടെ പരിശോധനയ്ക്ക് ശേഷം നിങ്ങള് നല്കിയ വിവരങ്ങള് സ്ഥിരീകരിച്ച് ഇവ രണ്ടും തമ്മില് ബന്ധിപ്പിച്ചതായി രേഖപ്പെടുത്തും.
എന്നാല് ആധാര് കാര്ഡിലെ വിവരങ്ങളില് എന്തെങ്കിലും പൊരുത്തക്കേടുകള് ഉണ്ടെങ്കില്, രേഖകളുടെ സ്ഥിരീകണത്തിനായി ആധാര് ഒ.ടി.പി (വണ്ടൈം പാസ് വേഡ്) കൂടി ആവശ്യമായി വരും. ആധാര് ഡാറ്റാബേസില് രജിസ്റ്റര് ചെയ്തിട്ടുള്ള മൊബൈല് നമ്പറിലേയ്ക്കാകും ഒ.ടി.പി അയയ്ക്കുന്നത്. അടുത്തിടെയാണ് വാര്ഷിക ആദായ നികുതി സമര്പ്പിക്കുന്നതിന് ആധാറും പാന് കാര്ഡും തമ്മില് ബന്ധിപ്പിക്കേണ്ടത് നിര്ബന്ധമാക്കി സര്ക്കാര് ഉത്തരവിറക്കിയത്.
https://www.facebook.com/Malayalivartha
